Sant Vicent del Raspeig

Sant Vicent del Raspeig (en castelán: San Vicente del Raspeig, cooficiais) é un concello do País Valenciano situado no noroeste da área metropolitana de Alacant, da provincia de Alacant. Ten 51.507 habitantes (INE 2008).

Sant Vicent del Raspeig

Brasón
Himno	Sant Vicent el meu poble
Localización
38°23′47″N 0°31′31″O
Estado	España
Comunidade autónoma	Comunidade Valenciana
Provincia	Provincia de Alacant
Comarca da Comunidade Valenciana	Alacantí
Poboación
Poboación	59.928 (2023) (1.477,88 hab./km²)
Lingua oficial	lingua catalá (lingua predominante)
Xeografía
Parte de	Mancomunidade de l'Alacantí
Superficie	40,55 km²
Altitude	109 m
Comparte fronteira con	Alacant Tibi Mutxamel Xixona
Santo padrón	Vicente Ferrer
Organización política
• Alcalde	Jesús Villar (en)
Identificador descritivo
Código postal	03690 e 03699
Fuso horario	UTC+01:00
Código INE	03122
Código ARGOS de concellos	03122
Outro
Irmandado con	L'Isle-d'Abeau
Páxina web	raspeig.es

No termo municipal de Sant Vicent do Raspeig atópase, desde o seu fundación en 1979, o campus da Universidade de Alacant. Este feito valeulle para colocárselle a etiqueta de cidade universitaria e de residencia. Os núcleos urbanos de Alacant e de Sant Vicent forman un continuo urbanizado, ademais de posuír boas comunicacións entre si como trens de Proximidades ou o tranvía TRAM.

O topónimo do municipio xurdiu a raíz da estancia de Vicente Ferrer nas terras do Raspeig sobre 1411. O municipio creceu ao redor dunha ermida situada nas terras do Raspeig. Dende o século XVII, polo menos, documéntase a existencia en distintos protocolos notariais dos primeiros núcleos de poboación habitados no que hoxe coñecemos como Sant Vicent del Raspeig. O carácter de lugar de paso e á vez cruzamento de camiños das súas terras marcou o seu desenvolvemento histórico ao longo de séculos. A súa independencia total chegou en 1848 tras anos dun dilatado proceso segregacionista da cidade de Alacant.

Posteriormente, no século XX produciuse a industrialización do municipio e a súa inclusión na área metropolitana de Alacant, coa conseguinte medra demográfica. No século XX o municipio experimentou unha extensión urbanística de xeito moi similar ao concepto de cidade lineal coas avenidas Ancha de Castelar e Alacant como principal eixe vertebrador.