![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/ab/21_trisomy_-_Down_syndrome.png/640px-21_trisomy_-_Down_syndrome.png&w=640&q=50)
Síndrome de Down
From Wikipedia, the free encyclopedia
A síndrome de Down (SD) é unha síndrome xenética causada pola trisomía do cromosoma 21, que se acompaña dun grao variable de atraso mental. É a causa coñecida máis frecuente de discapacidade psíquica conxénita[1] e debe o seu nome a John Langdon Haydon Down quen foi o primeiro en describir esta condición en 1866, aínda que nunca soubo as causas que a producían. Será en xullo de 1958 cando un investigador novo, Jérôme Lejeune, descubra que a síndrome é unha alteración no par de cromosomas 21.
Síndrome de Down | |
---|---|
Clasificación e recursos externos | |
![]() Cariotipo (conxunto de cromosomas dun individuo) mostrando unha trisomía libre do par 21. | |
ICD-10 | Q90 |
ICD-9 | 758.0 |
OMIM | 190685 |
DiseasesDB | 3898 |
MedlinePlus | 000997 |
![]() Se cre que pode requirir tratamento, por favor, consúltello ao médico. |
A Asemblea das Nacións Unidas proclamou en 2011 o día 21 de marzo como o Día Mundial da Síndrome de Down, co obxectivo de promover a concienciación da sociedade sobre esta enfermidade, lembrando a dignidade inherente, a valía e as contribucións destas persoas. Asemade, quixo salientar a importancia da súa autonomía e independencia individual, con liberdade para adoptar as súas propias decisións [2].