São Miguel das Missões

São Miguel das Missões é un concello brasileiro do estado de Rio Grande do Sul. No ano 2003 tiña uns 7.263 habitantes. Ocupa unha superficie de 1.229,8 km².

São Miguel das Missões

Localización
28°32′50″S 54°33′02″O
Estado	Brasil
Unidades da federación	Río Grande do Sur
Poboación
Poboación	7.056 (2022) (5,74 hab./km²)
Xeografía
Superficie	1.229,844 km²
Altitude	305 m
Comparte fronteira con	Vitória das Missões (pt) Eugénio de Castro (pt) Jóia (pt) São Luiz Gonzaga (pt) Entre-Ijuís (pt) Bossoroca (pt) Capão do Cipó (pt) Tupanciretã (pt)
Identificador descritivo
Código postal	98865-000
Prefixo telefónico	55
Código de concello do Brasil	4319158
Páxina web	saomiguel-rs.com.br

Patrimonio

Na cidade se atopan as ruínas xesuíticas de "San Miguel arcanxo" (São Miguel Arcanjo), declaradas dende 1983 Patrimonio da Humanidade pola UNESCO. É unha das varias misións que existen en territorio brasileiro, arxentino e paraguaio, fundadas polos xesuítas durante o século XVIII como parte dun plano que tiña o obxectivo de converter aos indios guaranís ao cristianismo e protexelos dos comerciantes de escravos que azoutaban a rexión^{[Cómpre referencia]}.

A redución foi construída entre os anos 1735 e 1745, pero malia aos esforzos dos xesuítas, o comercio de escravos por parte dos imperios español e portugués remataron conquistando a misión. As actuais ruínas atópanse protexidas pola UNESCO. Pódese visitar a antiga igrexa, a cruz misioneira, o museo das misións, a sancristía, o cemiterio, a praza da redución e ofrécese un espectáculo de luz e son tódalas noites.

A catedral da veciña cidade de Santo Ângelo foi construída despois da redución.

As ruínas foron escenario en 1986 para gravar parte da película A misión, protagonizada por Robert De Niro e Jeremy Irons.

• 
  Fachada do templo da misión xesuítica.
• 
  San Antón de Padua, realizado en tempos xesuíticos.
• 
  Campá da antiga redución.

Commons ten máis contidos multimedia sobre:  São Miguel das Missões