Río Ucayali

O Ucayali é un longo río peruano, considerado como un dos brazos principais do curso alto do río Amazonas, do que se coida a orixe mesma. O sistema Amazonas-Ucayali eleva a lonxitude do primeiro até os 6.275 km.

Río Ucayali

(es) Río Ucayali
Tipo	río
Inicio
Continente	América do Sur
País da cunca	Perú
División administrativa	Departamento de Loreto, Perú
Final
Localización	Amazonas
10°42′03″S 73°45′22″O B 4°27′10″S 73°26′55″O
Afluentes	21
Conca hidrográfica	Bacía do río Amazonas
Características
Dimensións	400 () m × 1.460 () km
Superficie da cunca hidrográfica	375.000 km²
Medicións
Caudal	12.600 m³/s

O río Ucayali en Pucallpa

Percorrido

O río Ucayali nace na rexión homónima, no Perú, da confluencia dos ríos Apurimac e Urubamba, no nordeste dos Andes centrais. Corre, en suave pendente cara ao noroeste do país até xuntarse co río Marañón, preto da poboación de Nauta, na Rexión de Loreto, dando dese xeito a unha dobre fonte para o Amazonas. Desde a confluencia do Apurimac e o Urubamba, a lonxitude do Ucayali é de 1.600 km.

O seu curso total atinxe os 2.670 quilómetros de lonxitude, se se toma como nacemento o do río Apurimac, que ten lugar no Nevado de Mismi, a uns 160 km ao oeste do lago Titicaca.

Nacemento do Ucayalai no Nevado Mismi sinalado cunha simple cruz de pau.

Afluentes

Os tributarios máis importantes do Ucayali son o Urubamba, o Cohenga, o Tahuania, o Sheshea, o Tamaya, o Tapiche, o Pachitea e máis o Aguaytía.

Portos fluviais

Do total do percorrido do Ucayali, uns 1.500 son navegábeis para embarcacións de até 3.000 tm. Os portos principais nas súas beiras son as cidades de Pucallpa, Contamana e Requena.

Véxase tamén

Wikimedia Commons ten máis contidos multimedia na categoría:  Río Ucayali

Outros artigos

• Río Apurimac
• Río Marañón