Río Gállego

O río Gállego é un curso fluvial aragonés, afluente do Ebro pola beira esquerda, ao que se une preto de Zaragoza despois de 215 km de curso.

Río Gállego

Tipo	río
Inicio
División administrativa	Aragón, España
Final
División administrativa	Cantabria, España
Localización	Río Ebro
42°48′19″N 0°25′07″O B 41°39′01″N 0°50′54″O
Afluente	Río Aguas Limpias (en) , Basa river (en)
Conca hidrográfica	Conca do Ebro
Características
Tamaño	193,2 () km
Superficie da cunca hidrográfica	4.008,8 km²
Medicións
Caudal	34,2 m³/s

Xangada de madeira no río Gállego

Percorrido

O Gállego nace no Col de Aneu, ao norte de Sallent de Gállego, a 2.200 metros de altitude, cerca do colado do Portalet (Val de Tena), nos Pireneos oscenses.

No seu curso superior recibe xa os seus principais afluentes: o Aguas Limpias (regulado polo encoro de Sarra), o Caldares, o Escarra e máis o río Aurín, que son os que determinan en boa medida o caudal e as características do río Gállego.

Talla as serras prepirenaicas na foz de Santa Elena e pasa por Sallent, e cerca de Panticosa e Sabiñánigo. Desde este último lugar comeza a formar un amplo cóbado até a localidade de Triste, para desde aquí tornar outra vez ao seu sentido xeral de marcha N-S, que mantén até desaugar no Ebro. No curso medio e baixo recolle augas dos ríos Guarga, Asabón e máis o Sotón, que son de moi escaso caudal.

Encoros

O Gállego está regulado polos encoros de Fornigal, Lanuza, Búbal, Encoro de Sabiñanigo, La Peña e máis o de Ardisa, os primeiros de produción hidroeléctrica e os dous últimos presas de regadío.

Nome

O Gállego foi denominado Flumen Gallicum na época romana, porque se coidaba que nacía na Gallia. En aragonés medieval documéntase xa como Galleco, e na época de repoboación con gascóns tamén foi coñecido como Gareco.