Ramón Palmeiro Maseda

Ramón Palmeiro Maseda, nado no Valadouro cara a 1876 e finado en Viveiro o 12 de febreiro de 1967, foi un avogado, empresario e político galego.

Ramón Palmeiro Maseda

Biografía
Nacemento	c. 1876 O Valadouro, España
Morte	12 de febreiro de 1967 (90/91 anos) Viveiro, España
Alcalde de Viveiro
setembro de 1936 – 1938 ← Salvador Pérez-Labarta Pillado – Tomás Galdo López →
Actividade
Ocupación	empresario, político

Traxectoria

Combatiu na guerra de Cuba. Foi secretario do Xulgado municipal de Alfoz en 1906.^[1] Foi nomeado sustituto do rexistrador da propiedade de Viveiro en 1913.^[2] Procurador en Viveiro dende 1913,^[3] foi propietario do Hotel Villa Venecia de Viveiro. Na ditadura de Primo de Rivera foi concelleiro de Viveiro en 1924,^[4] presentou a dimisión a principios de 1927.^[5] Na República foi elixido tesoureiro-contador do Partido Republicano Independiente, escisión da Federación Republicana Gallega, constituído en Viveiro en marzo de 1933 baixo a presidencia de José Santiago Seijo.^[6] Co golpe de Estado do 18 de xullo de 1936 foi nomeado presidente da Comisión Xestora de Viveiro en setembro de 1936.^[7] Cesou no cargo en 1938. Finou en Viveiro o 12 de febreiro de 1967.^[8][9]

Vida persoal

Casou con Josefa Fernández Palmeiro e foi pai de Elvira, Ramón, José e Rosalía Palmeiro Fernández.^[10]

Notas

1. BOP Lugo, 31-5-1906, p. 3.
2. El Norte de Galicia, 13-1-1913, p. 2.
3. Diario de Galicia, 26-10-1913, p. 1.
4. BOP Lugo, 23-9-1924, p. 2.
5. El Heraldo Gallego, 17-4-1927, p. 6.
6. El Pueblo Gallego, 9-3-1933, p. 9.
7. BOP Lugo, 26-9-1936, p. 2.
8. El Progreso, 14-2-1967, p. 7.
9. El Progreso, 16-2-1967, p. 7.
10. El Pueblo Gallego, 16-2-1967, p. 16.

Véxase tamén

Ligazóns externas

• Hotel Venecia de Viveiro

Predecesor: Salvador Pérez-Labarta Pillado

Alcalde de Viveiro  1936 - 1938

Sucesor: Tomás Galdo López