Río Murray

Río Murray
	(en) Murray River
Tipo	río
Inicio
Continente	continente australiano
País da cunca	Australia
División administrativa	Australia Meridional e Nova Gales do Sur, Australia
Localización	Alpes australianos (pt)
Final
Localización	Océano Índico
	36°47′46″S 148°11′40″L; B 35°33′32″S 138°52′48″L
Afluentes	23
Conca hidrográfica	Bacia Murray-Darling (pt)
Características
Dimensións	2.508 () × 2.530 () km ;
Superficie da cunca hidrográfica	1.061.469 km²
Medicións
Caudal	767 m³/s

O río Murray (en inglés, Murray River) é un dos principais ríos de Australia, que percorre 2375 km, dende que nace na Gran Cordilleira Divisoria ata que desemboca no océano Índico, preto de Adelaida; porén, cun dos seus afluentes, o río Darling, o sistema Murray-Darling alcanza os 3672 km.^[1]

Datos rápidos Tipo, Inicio ...

Pechar

Despois de nacer nos Alpes Australianos, atravesa o sueste do país e desemboca no océano Índico preto de Adelaida despois de que desemboquen nel dous grandes afluentes: o río Murrumbidgee e sobre todo o río Darling. Aínda que é o segundo río máis longo de Australia, o río presenta un pequeno caudal para un río desta importancia debido ás poucas precipitacións que caen polas rexións que atravesa e á utilización das súas augas para a agricultura e para abastecer ás cidades que se atopan ás súas beiras.

O río Murray, moi presente na mitoloxía dos aborixes australianos (que o chamaban Millewa), foi explorado ó longo da primeira metade do século XIX polos europeos instalados no país, e desempeñou máis tarde un importante papel en Australia grazas a ser navegable polos barcos de vapor e a permitir o desenvolvemento das actividades agrícolas. A súa fauna e flora endémicas ofrecen un patrimonio rico e natural, ameazado na actualidade pola introdución de especies invasoras e pola sobreexplotación das súas augas.

Notas

[murray-darling-1] [1]
Datos obtidos na entrada «Longest Rivers», en «Geoscience Australia», dependente do Australian Governement, con datos de setembro de 2008 obtidos sobre a National Topographic Database, unha base dixitalizada de toda Australia a escala 1:250.000. En concreto, o río continuo fluvial máis longo de Australia é o sistema formado polo curso inferior do río Murray (828 km), todo o curso que leva o nome de río Darling (1.472 km) e o sistema Condamine/Balonne/Culgoa (1.372 km), as fontes do Darling. Dispoñible en: . A Enciclopedia Británica aínda recolle unha lonxitude de 2.530 km.

[1]