![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a2/Carboxylic.Acids.Melting.%2526.Boiling.Points.jpg/640px-Carboxylic.Acids.Melting.%2526.Boiling.Points.jpg&w=640&q=50)
Punto de ebulición
temperatura á que un líquido se transforma en vapor / From Wikipedia, the free encyclopedia
O punto de ebulición é a temperatura á cal un elemento ou composto químico pasa do estado líquido ao estado gasoso, nunhas condicións de presión determinadas. Se o proceso é á inversa chámase punto de condensación.
![Thumb image](http://upload.wikimedia.org/wikipedia/commons/thumb/a/a2/Carboxylic.Acids.Melting.%26.Boiling.Points.jpg/640px-Carboxylic.Acids.Melting.%26.Boiling.Points.jpg)
![Thumb image](http://upload.wikimedia.org/wikipedia/commons/thumb/1/18/Kochendes_wasser02.jpg/640px-Kochendes_wasser02.jpg)
A temperatura dunha substancia ou corpo é unha medida da enerxía cinética das moléculas. A temperaturas inferiores ao punto de ebulición, só unha pequena fracción das moléculas na superficie ten enerxía suficiente para romper a tensión superficial e escapar.
Cando se chega ao punto de ebulición a maioría das moléculas é quen de escaparen desde tódalas partes do corpo, non só da superficie. Porén, para a creación de burbullas en todo o volume do líquido necesítanse imperfeccións ou movemento, precisamente polo fenómeno da tensión superficial.
A temperatura mantense constante durante todo o proceso de ebulición, e a achega de máis enerxía só produce o aumento do número de moléculas que foxen do líquido en forma de gas.