![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/60/Polystyrene.svg/langgl-640px-Polystyrene.svg.png&w=640&q=50)
Polistireno
From Wikipedia, the free encyclopedia
O polistireno é un homopolímero resultante da polimerización do monómero de estireno.
![Thumb image](http://upload.wikimedia.org/wikipedia/commons/thumb/6/60/Polystyrene.svg/220px-Polystyrene.svg.png)
![Thumb image](http://upload.wikimedia.org/wikipedia/commons/thumb/d/d7/Plastic-recyc-06.svg/110px-Plastic-recyc-06.svg.png)
Á temperatura ambiente, o polistireno preséntase en estado sólido. Trátase dunha resina do grupo dos termoplásticos, cuxa característica reside na súa fácil flexibilidade ou moldabilidade baixo a acción da calor. Os procesos de moldaxe do polistireno son principalmente a termoformaxe ao baleiro e a extrusión. Baixo a acción da calor, a resina toma a forma líquida ou pastosa, moldeándose con facilidade en torno dun molde. Co arrefriamento após a moldaxe, o produto recupera o estado sólido, na forma de pezas tales como vasos de usar e tirar, lacres de barril de cervexa e tantas outras pezas de uso doméstico ou embalaxes.
É un termoplástico duro e quebradizo con transparencia cristalina, semellante ao vidro, e foi descuberto accidentalmente en 1839 por Eduard Simon, un farmacéutico en Berlín, a partir dunha resina de ámbar destilada.
Existe, tamén, un proceso específico de polimerización do estireno, que emprega un gas de expansión - normalmente, o pentano - xerando o polistireno expandido.