condecoración civil de España From Wikipedia, the free encyclopedia
A Orde do Mérito Civil é, xunto coa Real Orde de Isabel a Católica, unha das dúas ordes actualmente dependentes do Ministerio de Asuntos Exteriores de España. Concédese a cidadáns españois ou estranxeiros que realizaron méritos civís: servizos relevantes para o Estado, traballos extraordinarios etc.
Orde do Mérito Civil | |
---|---|
![]() Venera e placa do grao de Gran Cruz da Orde do Mérito Civil | |
Outorgada polo Rei de España | |
Tipo | Orde civil |
Outorgada por | Servizos relevantes ao Estado, traballos extraordinarios e outros méritos de carácter civil |
Gran mestre | Filipe VI de España |
Estado | Actualmente en vigor |
Estadísticas | |
Establecida | en 1926 |
Precedencia | |
Seguinte menor | Orde Civil de Afonso X o Sabio |
A Orde do Mérito Civil foi instituída polo rei Afonso XIII por real decreto do 25 de xuño de 1926, a proposta do entón presidente do Consello de Ministros, Miguel Primo de Rivera, publicándose o seu primeiro regulamento o 25 de maio de 1927.
O goberno da Segunda República aboliu a devandita Orde mediante Decreto do 24 de xullo de 1931, restituíndose coas súas características anteriores, privilexios e antigüidade por Decreto do 7 de novembro de 1942.
Os numerosos cambios experimentados dende esa data, tanto pola realidade social e política de España, como polo sistema xurídico-administrativo, aconsellaron a súa actualización, de xeito que, mediante o Real decreto do 6 de novembro de 1998, aprobouse o actual regulamento.
No período comprendido entre 1979 e 2013 concedeuse en España a Orde do Mérito Civil a un total de 22 669 persoas.[1]
O artigo 1 do Regulamento indica que a Orde do Mérito Civil está destinada a recompensar os méritos civís adquiridos por persoal dependente de calquera das Administracións Públicas incluídas no ámbito da Lei 30/92, ou por persoas alleas á Administración que presten ou teñan prestado servizos relevantes ao Estado, con traballo extraordinario, proveitosas iniciativas ou con constancia exemplar no cumprimento das súas funcións.
O artigo 2 de dito Regulamento menciona que esta condecoración tamén se poderá conceder a persoas de nacionalidade estranxeira, sempre que prestasen servizos distinguidos a España ou unha colaboración notable en todas aquelas cuestións que resulten beneficiosas para ela.
A Orde do Mérito Civil consta de sete graos:
O Colar é o de rango máis alto e a Gran Cruz é o segundo, polo que normalmente se concede a altos funcionarios da Administración, xenerais dos Exércitos e Garda Civil, ou a persoas españolas e estranxeiras relevantes, sendo necesaria a súa aprobación polo Consello de Ministros.
Insignias e Pasadores | |||
![]() |
![]() |
![]() |
![]() |
Colar | Placa do Colar | Gran-Cruz | Encomenda de Número |
![]() |
![]() |
![]() |
![]() |
Encomenda | Cruz de Oficial | Cruz | Cruz de Prata |
O agraciado con calquera das categorías que fose condenado pola comisión dun delito doloso ou pública e notoriamente realizase actos contrarios aos motivos determinantes para outorgar a distinción poderá, en virtude dun expediente iniciado de oficio ou por denuncia motivada, e coa intervención do fiscal da Real Orde, ser desposuído do título correspondente á distinción outorgada, decisión que corresponde a quen a concedeu.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.