![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4b/El_Libro_Magno_de_San_Cipriano._Tesoro_del_hechicero._Leipzig.jpg/640px-El_Libro_Magno_de_San_Cipriano._Tesoro_del_hechicero._Leipzig.jpg&w=640&q=50)
O Ciprianillo
From Wikipedia, the free encyclopedia
O Ciprianillo é o nome dun libro máxico, publicado baixo diversos títulos, que describe distintos procedementos (ensalmos e rituais) para atopar os tesouros que os mouros agocharon en covas, castelos ou castros. Secundariamente, o libro ensina tamén a chamar e esconxurar o demo, combater o mal de ollo, adiviñar o oculto e diversos remedios máxicos de todo tipo, feitizos de amor (e de desamor) e outros.
![Thumb image](http://upload.wikimedia.org/wikipedia/commons/thumb/4/4b/El_Libro_Magno_de_San_Cipriano._Tesoro_del_hechicero._Leipzig.jpg/320px-El_Libro_Magno_de_San_Cipriano._Tesoro_del_hechicero._Leipzig.jpg)
de
San Cipriano
TESORO DEL HECHICERO
≈≈≈≈≈≈≈≈
LEIPZIG
Centro Editorial Políglota
Non se pode falar, realmente, dun Libro de San Cibrán senón dunha colección de versións ou traducións de contidos diferentes e atribuídos a mans diferentes. Todos eles arróganse o carácter de auténtico, o verdadeiro, o único, sen base ningunha que xustifique tal mérito.