![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f0/Structure_matiere_echelle.svg/langgl-640px-Structure_matiere_echelle.svg.png&w=640&q=50)
Nivel macroscópico
escala na que os obxectos ou fenómenos son o bastante grandes para ser visibles a simple vista / From Wikipedia, the free encyclopedia
Na física, o nivel macroscópico[1][2] ou escala macroscópica é o nivel de descrición no que a posición particular ou estado físico das partículas que compoñen un corpo pode ser resumida nunha ecuación de estado que inclúe só magnitudes extensas (volume, lonxitude, masa) e magnitudes intensivas (presión, temperatura). Normalmente, debido ao gran tamaño do sistema poden desprezarse os efectos cuánticos e pode usarse a física estatística e as leis de Newton como unha boa aproximación.[3]
![Thumb image](http://upload.wikimedia.org/wikipedia/commons/thumb/f/f0/Structure_matiere_echelle.svg/320px-Structure_matiere_echelle.svg.png)
Ademais, a enerxía total do sistema pode ser considerada como unha magnitude continua, no canto de como unha magnitude cuantizada. Estendendo a definición, fálase de obxecto ou fenómeno macroscópico cando as dimensións xeométricas ou a cantidade física supera un determinado tamaño. Normalmente, todos os obxectos que se poden enxergar a ollo nu ou simple vista son para todos os efectos macroscópicos, ao contrario dos obxectos e fenómenos microscópicos non visibles a simple vista e onde a mecánica cuántica pode desempeñar un papel importante na súa descrición.[4]