![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/01/Flag_of_the_Republic_of_Venice.svg/langgl-640px-Flag_of_the_Republic_of_Venice.svg.png&w=640&q=50)
Nacionalismo véneto
From Wikipedia, the free encyclopedia
O nacionalismo véneto ou venetismo é un movemento nacionalista, mais principalmente rexionalista, activo principalmente en Véneto, en Italia, así como noutras partes que formaron parte historicamente da República de Venecia. O nacionalismo véneto defende a promoción da redescuberta República de Venecia así como as súas tradicións, cultura e lingua. Segundo Paolo Possamai, o venetismo é "o conxunto de vénetos e de venecians cara ao recoñecemento da súa identidade e autonomía".[1] O venetismo é un movemento amplo, que inclúe partidos venetistas mais tamén inclúe xente de todos os partidos políticos.
![Thumb image](http://upload.wikimedia.org/wikipedia/commons/thumb/0/01/Flag_of_the_Republic_of_Venice.svg/640px-Flag_of_the_Republic_of_Venice.svg.png)
![Thumb image](http://upload.wikimedia.org/wikipedia/commons/thumb/d/d5/Flag_of_Veneto.svg/640px-Flag_of_Veneto.svg.png)
Os venetistas consideran Véneto como unha nación separada de Italia e, a miúdo, negan a validez do resultado do referendo co cal Véneto se uniu con Italia en 1866.[2] Algúns partidos, como Véneto Estado, propoñen unha reedición deste referendo e fan campañas para avanzar cara a independencia de Venecia, un país que estaría composto de todos os territorios da República de Venecia histórica, incluíndo Véneto, Friúl-Venecia Xulia, algunhas áreas da Lombardía (Brescia, Bérgamo, Crema e unha parte da Provincia de Mantua.[3]
En calquera caso, tamén a constitución da Rexión de Véneto recoñece á "xente véneta" o status de "popolo (lit. pobo) veneto". Ademais, a UNESCO dálle á lingua véneta a situación de lingua fóra de perigo, xa que é falada en Véneto, parte de Friúl-Venecia Xulia, parte de Croacia, Rio Gran do Sul, Santa Catarina no Brasil e Chipilo en México.
Unha das asociacións culturais vénetas máis importantes é Raixe Venete, que organiza cada ano a "Festa dei Veneti en Cittadella" (onde venetistas de todas as ideoloxís políticas, asociacións venetistas, actores, músicos e bandas de rock, e moitos cidadáns se reúnen).