Mundial de Fútbol de 2014 - Grupo F
From Wikipedia, the free encyclopedia
O Grupo F da Copa do Mundo de Fútbol de 2014, realizada no Brasil, está composto por catro equipos que se enfrontarán entre si nun total de seis encontros: Arxentina, Bosnia e Hercegovina, Irán e Nixeria. Ao termo dos enfrontamento, Arxentina acabaría invicta no primeiro lugar con todos partidos con vitorias, polo que acadou nove puntos, acompañandoa á seguinte fase a selección de Nixeria con 4. Quedarían eliminadas Bosnia e Hercegovina, con 3 puntos, e o Irán con 1.
Na última clasificación Mundial da FIFA antes do Mundial, que viu a luz o 5 de xuño de 2014, Arxentina ocupaba o quinto posto, Bosnia e Hercegovina o vixésimo primeiro, Irán o lugar número corenta e tres e Nixeria o corenta e catro. A media do grupo corresponde ao lugar número vinte e oito, sendo con exclusión da selección con peor coeficiente, Nixeria, a clasificación media de vinte e tres, a máis baixa dos grupos do mundial.[1]