![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/33/Cell_membrane_detailed_diagram_gl.svg/langgl-640px-Cell_membrane_detailed_diagram_gl.svg.png&w=640&q=50)
Mosaico fluído
From Wikipedia, the free encyclopedia
O modelo de mosaico fluído é o modelo da estrutura da membrana celular aceptado actualmente proposto en 1972 por S. J. Singer e Garth Nicolson. Elaborouse facendo estudos de microscopía electrónica, estudos de interaccións hidrófilas e dos enlaces non covalentes (pontes de hidróxeno), e aproveitando o desenvolvemento de técnicas como a criofractura e o contraste negativo. O modelo substituíu o de Davson e Danielli, que se revelou insatisfactorio. O modelo presenta a membrana plasmática como unha estrutura dinámica formada por unha bicapa lipídica próxima ao seu punto de fusión na que están inseridas proteínas e na cal os seus compoñentes poden moverse na bicapa.
![Thumb image](http://upload.wikimedia.org/wikipedia/commons/thumb/3/33/Cell_membrane_detailed_diagram_gl.svg/640px-Cell_membrane_detailed_diagram_gl.svg.png)