![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2d/Meister_der_Jah%25C3%25A2ng%25C3%25AEr-Memoiren_001.jpg/640px-Meister_der_Jah%25C3%25A2ng%25C3%25AEr-Memoiren_001.jpg&w=640&q=50)
Metroloxía
From Wikipedia, the free encyclopedia
A metroloxía, do grego antigo μέτρoν (métron, 'medida') e λόγoς (lógos, 'tratado') é a ciencia da medición ou da medida. (En grego antigo o termo μετρολογία, metrología, significaba 'teoría das relacións').[1]
![Thumb image](http://upload.wikimedia.org/wikipedia/commons/thumb/2/2d/Meister_der_Jah%C3%A2ng%C3%AEr-Memoiren_001.jpg/640px-Meister_der_Jah%C3%A2ng%C3%AEr-Memoiren_001.jpg)
A Oficina internacional de pesos e medidas, OIPM (International Bureau of Weights and Measures, BIPM, en inglés) define a metroloxía como a ciencia da medida, que inclúe o estudo, mantemento e aplicación do sistema de pesas e medidas, tanto desde o punto de vista experimental como teórico e tamén o nivel de incerteza no campo da ciencia e a tecnoloxía.[2]
Abrangue, ademais, todos os aspectos teóricos e prácticos que aseguran a precisión exixida no proceso produtivo, procurando garantir a calidade de produtos e servizos a través da calibración dos instrumentos de medida, sexan analóxicos ou electrónicos (dixitais), e da realización de ensaios, sendo a base fundamental da competitividade das empresas.