Meandro

Un meandro é unha curva sinuosa descrita polo curso dun río. Fórmanse con maior facilidade nos ríos das chairas aluviais con pendente moi escasa, dado que os sedimentos adoitan depositarse na parte convexa do meandro, mentres que na cóncava, debido á forza centrífuga, predomina a erosión e o retroceso da beira.

Meandros do río Cuckmere, en Inglaterra.

Cando debido á erosión, dúas canles curvas atópanse, o río curta camiño a través da zona onde se opón as correntes e fórmase un lago de ferradura ou meandro abandonado, xa que os sedimentos pechan a entrada e saída do antigo meandro, quedando fóra da canle do río.

Etimoloxía

O nome provén do do río Meandro en Anatolia famoso pola súa sinuosidade. É o actual Büyük Menderes.

• 
  Meandro do río Ródano, no sueste de Francia
• 
  Meandros do río Cauto, en Cuba
• 
  Canón de Glen do río Colorado, en Arizona
• 
  Meandros abandonados do río Nowitna, en Alasca

Véxase tamén

Wikimedia Commons ten máis contidos multimedia na categoría:  Meandro