María Luisa Ponte Mancini, nada en Medina de Rioseco (Valladolid) o 21 de xuño de 1918 e finada en Aranjuez (Madrid) o 2 de maio de 1996, foi unha actriz española que participou en numerosos filmes, obras de teatro e series de televisión.
| Biografía | |
|---|---|
| Nacemento | 21 de xuño de 1918  Medina de Rioseco, España |
| Morte | 2 de maio de 1996 (77 anos) Madrid, España |
| Actividade | |
| Campo de traballo | Actuación |
| Ocupación | actriz, actriz de cinema, actriz de teatro |
| Período de actividade | 1952 - |
     | |
Traxectoria
Ponte era filla dos actores Enrique Ponte e Haydée Mancini Puggi. Naceu en plena xira teatral e con tan só seis meses de idade subiu por primeira vez a un escenario. Dedicouse profesionalmente á interpretación dende os catorce anos e a partir de entón centrou a súa actividade no teatro, incorporándose á compañía do seu pai e participando en montaxes de La malquerida, Casa de muñecas ou Ni al amor, ni al mar. Cando estalou a guerra civil estba a traballar en Pola de Siero (Asturias), onde desapareceu a súa equipaxa.
A súa voz potente, a súa forza e o seu carácter fixeron dela unha intérprete popular e recoñecíbel. O seu primeiro filme foi en 1952 e nas décadas seguintes consolidouse como unha das actrices máis destacadas dos elencos cinematográficos. Con frecuencia as súas personaxes respondían a un estereotipo de muller amargada, hipócrita ou antipática. Na súa amplísima traxectoria hai filmes como El pisito e El cochecito, de Marco Ferreri, La ciudad no es para mí, de Pedro Lazaga, El verdugo, de Luis García Berlanga, El extraño viaje e El viaje a ninguna parte, de Fernando Fernán Gómez, Camada negra, de Manuel Gutiérrez Aragón ou La colmena, de Mario Camus.
Tamén na televisión desenvolveu unha carreira salientébel, destacando a súa participación en Fortunata y Jacinta, Farmacia de guardia e La Regenta.
Mantivo a súa actividade profesional ata pouco antes do seu pasamento, recibindo o Goya á mellor actriz secundaria polo seu último filme en xaneiro de 1995.[1]
Tivo unha filla antes de enviuvar do actor José Luis López de Rueda e tamén estivo unida sentimentalmente ao actor Agustín González entre 1954 e 1986.
Faleceu a mañá do 2 de maio de 1996 por unha súbida parada cardíaca nunha residencia de anciáns de Aranjuez,[2][3] onde vivía dende o setembro anterior completamente retirada do seu oficio e apartada do que fora o seu ámbito cotián no mundo das noites madrileñas.
Filmografía
- 1952 - La estrella de Sierra Morena
- 1958 - ¿Dónde vas, Alfonso XII?
- 1958 - La vida por delante
- 1959 - Tenemos 18 años
- 1959 - Bombas para la paz
- 1959 - El pisito
- 1959 - Los chicos
- 1960 - El cochecito
- 1961 - La Venganza De Don Mendo
- 1962 - Rogelia
- 1962 - Los que no fuimos a la guerra
- 1963 - Ensayo general para la muerte
- 1963 - El verdugo
- 1964 - Amador
- 1964 - Combate de gigantes
- 1965 - El mundo sigue
- 1965 - La ciudad no es para mí
- 1966 - Camino del Rocío
- 1966 - Lucky, el intrépido
- 1966 - Las viudas
- 1966 - Hoy como ayer
- 1967 - Club de solteros
- 1967 - El extraño viaje
- 1967 - Los chicos con las chicas
- 1967 - Con el viento solano
- 1967 - Crónica de 9 meses
- 1968 - El turismo es un gran invento
- 1968 - Las secretarias
- 1970 - Después de los nueve meses
- 1970 - El dinero tiene miedo
- 1970 - Fortunata y Jacinta
- 1971 - La graduada
- 1971 - Me debes un muerto
- 1972 - Don Quijote cabalga de nuevo
- 1973 - Tamaño natural
- 1973 - Celos, amor y Mercado Común
- 1973 - Las señoritas de mala compañía
- 1974 - El pícaro
- 1974 - La Regenta
- 1976 - La petición
- 1976 - La mujer es un buen negocio
- 1977 - Los claros motivos del deseo
- 1977 - Camada negra
- 1979 - El nido
- 1979 - La Campanada
- 1980 - El liguero mágico
- 1980 - 127 millones libres de impuestos
- 1980 - Hijos de papá
- 1981 - La tía de Carlos
- 1981 - Es peligroso casarse a los 60
- 1982 - La colmena
- 1982 - Nacional III
- 1983 - Y del seguro ... líbranos señor!
- 1984 - El pan debajo del brazo
- 1985 - La vaquilla
- 1985 - De hombre a hombre
- 1985 - La corte de Faraón
- 1985 - Mambrú se fue a la guerra
- 1986 - El viaje a ninguna parte
- 1986 - El hermano bastardo de Dios
- 1987 - Moros y cristianos
- 1993 - Rosa Rosae
- 1993 - El Cianuro, ¿solo o con leche?
- 1994 - Canción de cuna
Notas
Véxase tamén
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
