Manises

Manises é un municipio da Comunidade Valenciana. Situado na provincia de Valencia, na comarca da Horta Oest. Ten 30.478 habitantes (INE 2008) e é famoso pola súa cerámica e por albergar no seu termo municipal ao aeroporto de Valencia.

Manises

Brasón
Localización
39°29′31″N 0°27′31″O
Estado	España
Comunidade autónoma	Comunidade Valenciana
Provincia	provincia de Valencia
Comarca da Comunidade Valenciana	Horta Sud
Capital	Manises
Poboación
Poboación	31.573 (2023) (1.610,87 hab./km²)
Lingua oficial	Valenciano (lingua predominante)
Xeografía
Superficie	19,6 km²
Altitude	52 m
Comparte fronteira con	Quart de Poblet Paterna Riba-roja de Túria
Organización política
• Alcaldesa	Alicia Fernández (pt) (2015–)
Identificador descritivo
Código postal	46940
Fuso horario	UTC+01:00
Código INE	46159
Código ARGOS de concellos	46159
Páxina web	manises.es

Xeografía

Situado no extremo occidental da Horta de Valencia, na marxe dereita do río Turia. O termo municipal de Manises limita coas localidades de Quart de Poblet, Paterna e Riba-roja de Túria, todas elas na provincia de Valencia.

Dende Valencia, accédese a esta localidade por estrada a través da A-3 e a V-11. Por transporte público é tamén accesible a través das liñas 3 e 5 de Metro Valencia e da liña 150 do autobús Manises/Aeroporto.

Barrios

• El Carme
• Socusa
• Obradors
• Sant Jeroni (Barriada compartida co municipio veciño de Quart de Poblet)
• Sant Feliu
• Alameda Park
• Sant Francesc

Historia

Non hai datos seguros dunha ocupación humana deste termo anterior á romanización. Desta época son testemuñas, ademais dunha moeda achada no campo de golf e de fragmentos de vasos de terra sigillata aparecidos no Racó, os restos dunha posible vila rústica que hai na partida do Collado, onde se vía o fuste dunha columna de pedra calcaria dun metro de diámetro.

A orixe da poboación é musulmá, aínda que se atoparon pegadas da época romana. Os musulmáns crearon un centro cerámico moi importante que, trala súa conquista, foi doado por 1237 polo rei Jaume II a Artal de Lluna, cuxa familia continuou na posesión até finais do século XIII, en que pasou a poder de Pere Boil, mordomo e tesoureiro de Jaume II. Os musulmáns seguiron vivindo en Manises, traballando o barro cocido, cuxa técnica ensinaron aos cristiáns, os cales á súa vez a perfeccionaron.

Demografía

Conta cunha poboación de 29.778 habitantes en 2007. Un 6,21% dos seus habitantes era, segundo o mesmo padrón, da inmigración.

Evolución demográfica de Manises
	1900	1910	1920	1930	1940	1950	1960	1970	1981	1991	2001	2006	2007
Poboación	3.577	4.076	5.010	6.667	7.711	9.173	13.097	19.945	23.975	24.453	25.897	29.717	29.778

Clima

É un clima tipicamente mediterráneo pero non con trazos moi definidos, atopámonos uns veráns menos calorosos que no interior e uns invernos considerablemente bastante máis fríos que na costa, con xeadas nocturnas nos meses de inverno. A temperatura media do inverno descende aos 4,7 graos (aínda que pode chegar aos -5 °C ou -10 °C nos días máis fríos) mentres que ao verán ascende aos 24,8 grados (con picos de 35 °C).

Véxase tamén

Ligazóns externas

• Sitio web oficial
• Sitio web do Aeroporto de Valencia - Manises