Linguas oshiwambo
conxunto de linguas emparentadas da familia das linguas bantús / From Wikipedia, the free encyclopedia
O oshiwambo (ás veces escrito oshivambo) é un conxunto de linguas, estreitamente emparentadas, da familia das linguas bantús, faladas por grupos da etnia dos ovambo no norte de Namibia.
Son linguas estreitamente emparentadas co kwanyama, a lingua orixinal de todos os ovambo, e co ndonga.
Existen sete variantes ou dialectos de oshiwambo:
- Oshikwanyama
- Oshindonga
- Oshikolonkadhi
- Oshimbalantu
- Oshikwaluudhi
- Oshingangera
- Shikwambi
As dúas primeiras ensínanse nalgunhas escolas. Quen conte como lingua materna co oshiwambo pode entender a persoas que conversen en calquera dos sete dialectos.