Pep Guardiola

Pep Guardiola
	; (2017)
Biografía
Nacemento	(es) Josep Guardiola Sala ; 18 de xaneiro de 1971 (53 anos); Santpedor, España
Altura	180 cm
Peso	80 kg
Actividade
Ocupación	futbolista, adestrador de fútbol
Nacionalidade deportiva	España
Deporte	fútbol
Posición de xogo	Centrocampista
1984–1990
Traxectoria
Participou en
2000	Eurocopa de 2000
1994	Mundial de Fútbol Estados Unidos 1994
1992	Xogos Olímpicos de 1992
Familia
Cónxuxe	Cristina Serra i Selvas
Pais	Valentí Guardiola e Dolors Sala Carrió
Irmáns	Francesca Guardiola i Sala; Pere Guardiola
Premios
	(2023) UEFA Men's Coach of the Year Award (en) ; (2011) Medalla de Honra do Parlamento de Cataluña; (2009) Catalán do Ano; Medalla de Ouro da Real Orde do Mérito Deportivo ;
Descrito pola fonte	Obálky knih,

Josep 'Pep' Guardiola i Sala, nado en Santpedor (Barcelona) o 18 de xaneiro de 1971, é un exfutbolista e actual adestrador de fútbol español, que dirixe o Manchester City dende 2016. Amplamente considerado como un dos mellores adestradores de tódolos tempos, é o segundo técnico con máis títulos da historia, cun total de 39, só por detrás de Alex Ferguson. Entre as súas conquistas conta con tres Ligas de Campións da UEFA, tres ligas españolas de Primeira División, tres Bundesligas alemás e seis Premier Leagues inglesas. É ademais o único adestrador con catro Copas Mundiais de Clubs, o único en ter gañado en dúas ocasións o triplete de liga, copa e máxima competición europea (unha co FC Barcelona e outra co Manchester City) e o único en ter conquistado seis títulos nunha mesma tempada.

Datos rápidos Biografía, Nacemento ...

Pechar

Como futbolista xogaba de centrocampista e desenvolveu a maior parte da súa carreira deportiva no Barcelona, co que gañou seis ligas e unha Copa de Europa entre outros títulos. Foi internacional coa selección española, coa que participou no Mundial de 1994 e na Eurocopa de 2000, ademais de gañar a medalla de ouro nos Xogos Olímpicos de 1992.

Traxectoria

Xogaba de centrocampista e o seu primeiro equipo foi o Fútbol Club Barcelona. Coa selección de fútbol de España disputou os Xogos Olímpicos de 1992, o Mundial de 1994 en Estados Unidos e a Eurocopa en 2000. Comezou adestrando ao FC Barcelona B, na súa primeira campaña no filial do club Catalán, onde lograría o ascenso de categoría. O 8 de maio de 2008 foi designado pola xunta directiva para adestrar ao Fútbol Club Barcelona para a tempada 2008/2009, en substitución de Frank Rijkaard, club co que acadou un fito histórico ao facer un sexteto coa consecución da Liga española, a Copa do Rei a Copa da Champions League, a Supercopa de España a Supercopa de Europa e o Mundial de Clubs.