Marraxo azul
From Wikipedia, the free encyclopedia
O marraxo azul [1][2][3] é unha especie de elasmobranquio da orde dos lamniformes (Lamniformes) e familia dos lámnidos (Lamnnidae),[4] de moi ampla distribución, xa que se encontra nos océanos Pacífico, Atlántico e Índico e nos mares Mediterráneo e Vermello.
Marraxo azul (Isurus oxyrinchus) | |||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|
![]() | |||||||||||||||||||
Estado de conservación | |||||||||||||||||||
![]() Vulnerable | |||||||||||||||||||
Clasificación científica | |||||||||||||||||||
| |||||||||||||||||||
Nome binomial | |||||||||||||||||||
Isurus oxyrinchus Rafinesque, 1810 | |||||||||||||||||||
![]() Distribución do marraxo azul |
![](http://upload.wikimedia.org/wikipedia/commons/thumb/e/e3/Isurus-oxyrinchus.jpg/320px-Isurus-oxyrinchus.jpg)
![](http://upload.wikimedia.org/wikipedia/commons/thumb/5/56/Close_up_of_mako_shark_head_005.jpg/640px-Close_up_of_mako_shark_head_005.jpg)
![](http://upload.wikimedia.org/wikipedia/commons/thumb/f/f9/Isurus_oxyrinchus_Machoire.jpg/640px-Isurus_oxyrinchus_Machoire.jpg)
Comestíbel, é un erro moi común confundir a súa branca carne coa do mero ou cherna (Polyprion americanus), do mero de altura (Epinephelus marginatus) e do emperador (Luvarus imperialis), chegando a crerse que son o mesmo peixe e cotizándose ao mesmo prezo; porén, estas catro especies son moi diferentes en aspecto e taxonomía: os meros e o emperador son peixes da clase dos actinopterixios (Actinopterygii), cuxo esqueleto é óseo), mentres que o marraxo azul pertence á clase dos condrictios (Chondrichthyes), de esqueleto cartilaxinoso.
O marraxo azul pertence á mesma familia que o tiburón branco, pero é de tamaño bastante menor e, a diferenza del, é un tiburón asociado ás profundidades, sendo estraño velo en augas pouco profundas e próximas á costa.