From Wikipedia, the free encyclopedia
Illuminati ou Orde dos Iluminati é o nome que recibiu unha sociedade secreta fundada baixo o nome de Bund der Perfektibilisten o 1 de maio de 1776 polo xesuíta, filósofo e profesor de dereito canónico Adam Weishaupt en Ingolstadt (Baviera). O seu obxectivo era conseguir a mellora e perfeccionamento do mundo por medio da liberdade, da igualdade e da fraternidade, e da mellora e perfeccionamento dos seus membros permitindo o autocontrol dos individuos facendo o despotismo superfluo. Actuou legalmente ata 1785, ano no que Carlos Teodoro de Baviera prohibiu todas as sociedades secretas no país. Durante o período no que foi legal tivo ampla influencia entre os intelectuais e políticos ilustrados alemáns como o duque Fernando de Brunswick.
Illuminati | |
---|---|
Tipo | Sociedade secreta |
Data de fundación | 1 de maio de 1776 |
Data de disolución | marzo de 1785 |
Fundador(es) | Adam Weishaupt |
País | Eleitorado da Baviera |
[ editar datos en Wikidata ] |
Os membros tiñan que prometer obediencia ós seus superiores e dividíanse en tres clases principais, cada unha con varios graos. A orde tiña ramificacións en moitos países de Europa, con 2000 membros, recibindo a atención de homes de letras como Johann Wolfgang von Goethe e Johann Gottfried Herder, e mesmo dos duques reinantes de Gotha e Weimar.
Arredor desta sociedade formáronse numerosos mitos e teorías conspiratorias, pretendendo que a orde fora responsable da Revolución Francesa ou de complots contra a Igrexa Católica, así como a constitución dunha Nova Orde Mundial, baseándose nestes mitos e lendas escribíronse novelas e filmáronse películas que contribuíron a espallar estas ideas entre a sociedade e a que se formasen organizacións que se reclaman herdeiras dos Illuminati.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.