Illas Manua

As illas Manua (en samoano: Manuʻa tele) é un arquipélago de tres illas: Ta'u , Ofu e Olosega. Forman un dos tres distritos da Samoa Americana, situadas a 110 km ao leste de Tutuila.

Illas Manua

Tipo	grupo de illas illa
Localización
División administrativa	Illas Manua, Estados Unidos de América e Samoa Americana, Estados Unidos de América
14°12′45″S 169°33′15″O
Bañado por	Océano Pacífico
Características
Altitude	969 m
Superficie	59 km²

Xeografía

As tres illas son de orixe volcánica. Ta'u é a illa máis grande con 44,3 km². As illas Ofu (7,2 km²) e Olosega (5,1 km²) están unidas por un arrecife de coral pouco profundo e, desde 1970, por unha ponte. A poñente de Ofu atópase o illote Nu'utele. A poboación total no censo do 2000 era de 1.378 habitantes coa seguinte distribución por illas: 873 en Ta'u, 289 a Ofu e 216 a Olosega.

A capital tradicional é a vila de Taʻū. A metade da illa Ta'u forma parte do Parque Nacional de Samoa-americana. A terra é de propiedade comunal das familias de Manu'a e por lei non se poden vender. As terras do parque nacional que están alugadas ao servizo de Parques Nacionais dos Estados Unidos.

Historia

As illas Manu'a foron descubertas, o 14 de xuño de 1721, polo neerlandés Jacob Roggeveen que chamounas illas Bouman.

Segundo as tradicións orais, a orixe da cultura samoana e das xenealoxías da Polinesia oriental atópase en Manu'a. O xefe tradicional das illas chamábase Tui Manu'a. O último foi Tui Manu'a Elisala, que morreu o 2 de xullo de 1909. O 14 de xullo de 1904 asinou o acta de cesión das illas Manu'a aos Estados Unidos, como consecuencia do tratado de Berlín de 1899 onde Alemaña e os Estados Unidos repartíronse as illas Samoa.

Por vontade de Tui Manu'a Elisala, o título non se cedeu ao seu sucesor. Tecnicamente, o título e as posesións do Tui Manu'a hoxe seguen baixo custodia do clan Anoalo, pero non existe un titular.

A influencia cultural foránea é menos acusada nas illas Manu'a que na máis grande e poboada Tutuila. Consérvase a lingua samoana nunha forma máis arcaica. En 1925 foi o lugar onde a antropóloga Margaret Mead fixo o seu controvertido traballo de campo sobre a adolescencia.

Notas

• Datos da oficina do censo dos EUA (en inglés)
• Mapa das illas Manu'a