From Wikipedia, the free encyclopedia
Frans Snyders, nado en Anveres, bautizado o 11 de novembro de 1579 e finado na mesma cidade o 19 de agosto de 1657, foi un pintor flamengo do período barroco, especializado en naturezas mortas e escenas de cacería.
![]() ![]() | |
Biografía | |
---|---|
Nacemento | 11 de novembro de 1579 (Gregoriano) ![]() Anveres ![]() |
Morte | 19 de agosto de 1657 ![]() Anveres ![]() |
Pintor de cámara | |
![]() | |
Datos persoais | |
País de nacionalidade | Países Baixos españois ![]() |
Grupo étnico | Pobo flamengo ![]() |
Actividade | |
Lugar de traballo | Anveres (1609–1657) Milán (1608–1609) Anveres (1593–1607) Roma Breda ![]() |
Ocupación | pintor , debuxante arquitectónico ![]() |
Membro de | |
Xénero artístico | Natureza morta, alegoria (pt) ![]() ![]() ![]() |
Movemento | Pintura barroca flamenga (pt) ![]() ![]() |
Alumnos | Jan Roos (pt) ![]() ![]() |
Lingua | Lingua neerlandesa ![]() |
Obra | |
Obras destacables
| |
Familia | |
Cónxuxe | Margareta Snyders (1611–) |
![]() |
Snyders naceu e morreu na súa cidade natal, Anveres. En 1593 era aprendiz do pintor Pieter Brueghel o Novo, membro dunha familia de famosos pintores, mais moi de seguido pasou para o obradoiro do mestre Hendrick van Balen, que o foi tamén de Anthonis van Dyck. Snyders mantivo forte relación con van Dyck, quen o retratou máis dunha vez. En 1602 Snyders fíxose membro da confraría de pintores de Anveres, a de San Lucas, como mestre.
No ano 1608 marchou a Roma, para o acostumado viaxe de formación en Italia, etapa que se coidaba obrigada para os pintores de orixe fiamenga que tivesen aspiracións de progreso. No ano seguinte, 1609, domiciliouse en Milán, onde estivo ao servizo do cardeal Federico Borromeo.
Logo de regresar de Italia, en 1610, casou no ano seguinte con Margaretha de Vos, irmá dos pintores Cornelis e Paul de Vos. Entre os seus discípulos de Anveres o máis importante foi Jan Fyt, que traballaba no seu obradoiro desde 1629.
Foi o pintor principal do arquiduque Alberte de Austria, gobernador dos Países Baixos, para quen realizou moitas das súas obras principais. Unha destas foi presentada ao rei de España Filipe III quen, xunto co seu sucesor Filipe IV, encargou a Snyders diversos lenzos, agora conservados en Madrid. Traballou tamén para o arquiduque Leopoldo Guillerme de Austria.
Inicialmente Snyders dedicouse á pintura de natureza morta, especialmente flores, plantas e froitas, peles de animais, peixes, mais moi logo pasou a representacións de animais vivos, sobre todo salvaxes, e escenas de caza. Foi un dos primeiros pintores que se especializou na representacións de animais en lenzos.
A súa composición é rica e variada, o seu pincel vigoroso, mesmo enérxico e extremadamente expresivo. Snyders foi un grande admirador da obra de Pieter Paul Rubens, que o contactou con frecuencia para executase nas súas teas flores, froitas e animais. Inversamente, as figuras humanas de cadros de Snyders poden estar realizadas por Rubens (nalgún caso por Van Dyck). Do mesmo xeito colaborou con outros moitos artistas flamengos como Jacob Jordaens e Thomas Willeboirts Bosschaert.
![]() |
Commons ten máis contidos multimedia sobre: Frans Snyders |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.