![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4b/Fokker_100_Portugalia_CS-TPB.jpg/640px-Fokker_100_Portugalia_CS-TPB.jpg&w=640&q=50)
Fokker 100
From Wikipedia, the free encyclopedia
O Fokker 100 é un avión de pasaxeiros de tamaño medio fabricado por Fokker. Os seus baixos custos operacionais e a escasa competencia no rango dos 100 asentos e curto alcance levaron a unhas fortes vendas do modelo cando foi introducido a finais dos 80, pero estas diminuíron a medida que a competencia aumentou. A fabricación rematou en 1997 con 283 unidades entregadas. En xullo do 2012 aínda quedaban 156 Fokker 100 en servizo con 30 aeroliñas de todo o mundo.