![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b6/End.of.Roman.rule.in.Britain.383.410.jpg/640px-End.of.Roman.rule.in.Britain.383.410.jpg&w=640&q=50)
Fin do dominio romano en Britania
From Wikipedia, the free encyclopedia
O fin da dominación romana en Gran Bretaña é o período durante o cal o Imperio Romano terminou a súa ocupación da provincia romana de Britania, marcando así a transición da Britania romana ao período post-romano. Non hai datas exactas para definir o período, xa que o dominio romano sobre a illa foise diluíndo en diversos momentos e baixo diferentes circunstancias. Pode dicirse que, en todo caso o proceso tivo lugar entre os anos 383 e 410.
![]() | Atención: Este artigo ou apartado precisa dun traballo de revisión.
Cando os problemas se resolvan, retire esta mensaxe, pero non quite esta mensaxe ata que estea todo solucionado. De ser posible, sería mellor substituír este marcador por outro máis específico. (Desde novembro de 2016) |
![](http://upload.wikimedia.org/wikipedia/commons/thumb/b/b6/End.of.Roman.rule.in.Britain.383.410.jpg/640px-End.of.Roman.rule.in.Britain.383.410.jpg)
O ano 383, ano do inicio da usurpación de Magno Clemente Máximo, marcou o inicio do fin da dominación romana no norte e oeste de Gran Bretaña. Nese ano, as tropas romanas situadas nesas zonas retiráronse para non volver. Como a conexión entre estas rexións e Roma baseábase na súa ocupación militar en lugar dunha sociedade civil, a conexión disolveuse cando as tropas marcharon.
O ano 410 é o preferido pola maioría dos historiadores como a data final. Nese ano, o emperador romano Honorio respondeu a unha solicitude de axuda militar co rescripto de Honorio, dicindo aos romano-britanos que "deberían ocuparse da súa propia defensa". Algúns historiadores prefiren o ano 409, ano en que os maxistrados romano-britanos foron expulsados das súas cidades.