![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f3/Ryusuke_Hamaguchi_%2528HKAFF2018%2529_%2528cropped%2529.png/640px-Ryusuke_Hamaguchi_%2528HKAFF2018%2529_%2528cropped%2529.png&w=640&q=50)
Filmes propostos ó mellor filme internacional na 94ª edición dos Óscar
artigo de listas da Wikimedia / From Wikipedia, the free encyclopedia
Esta é unha lista dos filmes propostos na 94ª edición dos Óscar para o mellor filme internacional.[1] A Academia das Artes e das Ciencias Cinematográficas (AMPAS) convidou ás industrias cinematográficas de varios países a presentar o seu mellor filme para o Óscar ó mellor filme internacional cada ano dende que o premio foi creado na edición de 1956.[2] O premio é presentado anualmente pola Academia para un filme producido fóra dos Estados Unidos cun diálogo maioritariamente en lingua non inglesa.[2][3] O Comité do Premio Internacional de Longametraxes supervisa o proceso e revisa todos os filmes enviados.[3] A categoría foi anteriormente chamada mellor filme en lingua non inglesa, mais foi cambiado en abril de 2019 a mellor filme internacional, logo de que a academia considerase a anterior denominación como desfasada.[4]
![Thumb image](http://upload.wikimedia.org/wikipedia/commons/thumb/f/f3/Ryusuke_Hamaguchi_%28HKAFF2018%29_%28cropped%29.png/640px-Ryusuke_Hamaguchi_%28HKAFF2018%29_%28cropped%29.png)
Na 94ª edición dos Óscar, os filmes candidatos deben terse estreado nos cinemas dos seus respectivos países entre o 1 de xaneiro de 2021 e o 31 de decembro de 2021.[1] A data límite para presentar as propostas foi o 1 de novembro de 2021,[1] cun total de 93 países que presentaron un filme. Somalia presentou unha proposta por vez primeira na historia.[5]
A lista curta de quince candidatos publicouse o 21 de decembro de 2021.[1][6] Os cinco nomeados finalistas foron anunciados o 8 de febreiro de 2022.[6][7]