Os símbolos dos evanxelistas arrodeando o Cristo en Maxestade sobre o Tímpano da Igrexa de San Trófimo.Representación en baixorrelevo dos catro evanxelistas nas cunchas da cúpula da Igrexa colexial de Saint-Quiriace de Provins.
Os catro evanxelistas son representados con formas alegóricas de tetramorfos:[2][3]
O home ou un anxo asóciase a Mateu, xa que o seu Evanxeo comeza facendo un repaso á xenealoxía de Cristo, o Fillo do Home;
O león identifícase con Marco, porque o seu Evanxeo comeza falando de Xoán o Bautista, «Voz que clama no deserto», dita voz sería coma a do león;
O touro sería Lucas, xa que o seu Evanxeo comeza falando do sacrificio que fixo Zacarías, pai de Xoán o Bautista, a Deus;
A aguia foi asociada á figura de Xoán, xa que o seu Evanxeo é o máis abstracto e teolóxico dos catro e, polo tanto, o que se eleva sobre os demais. O de Xoán é o único evanxeo non sinóptico.
Miniaturas extraídas das Grandes horas de Ana de Bretaña (1503-1508)