![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ec/Statute_of_anne.jpg/640px-Statute_of_anne.jpg&w=640&q=50)
Estatuto da Raíña Ana
From Wikipedia, the free encyclopedia
O Estatuto da Raíña Ana (nome completo en inglés: An Act for the Encouragement of Learning, by Vesting the Copies of Printed Books in the Authors or Purchasers of such Copies, during the Times therein mentioned), promulgado pola raíña Ana de Gran Bretaña o 10 de abril de 1710, constitúe un antecedente histórico de grande importancia no ámbito dos dereitos de propiedade intelectual. Foi a primeira norma legal que recoñeceu o que se coñece no dereito anglosaxón como copyright. Esta normativa foi enfocada a corrixir os problemas existentes nese momento arredor da reprodución e a venda de obras literarias, e recoñécelle ao autor o seu dereito de propiedade.[1]
![Thumb image](http://upload.wikimedia.org/wikipedia/commons/thumb/e/ec/Statute_of_anne.jpg/320px-Statute_of_anne.jpg)
O que se pretendía era eliminar os monopolios que se crearan e brindarlles aos autores o recoñecemento como titulares da súa obra e, por conseguinte, dos dereitos que dela derivan, entre estes, o de autorizar a reprodución e poder escoller o editor que as realice.[2]
Este estatuto foi derrogado pola Lei do Copyright de 1842.[3]