Estación de montaña Manzaneda
estación de esquí en Galicia From Wikipedia, the free encyclopedia
A estación de montaña de Manzaneda, tamén coñecida como Cabeza de Manzaneda é unha estación de esquí e montaña turístico-deportiva situada no Macizo Galaico, entre os concellos de Manzaneda e A Pobra de Trives.
Para outras páxinas con títulos homónimos véxase: Cabeza de Manzaneda.
| ||||
| Tipo | Estación de esquí  | |||
|---|---|---|---|---|
| Localización | ||||
| División administrativa | Manzaneda, España e A Pobra de Trives, España | |||
| ||||
| Cordilleira | Macizo Galaico | |||
| Características | ||||
| Altitude | punto máis baixo: 1.500 m punto máis alto: 1.776 m | |||
| Estación de esquí | ||||
| Remonte | ||||
 =4  =2  =29 | ||||
| Pista de esquí alpino | (16,75 km) 1 13 8 1 | |||
| Pista de esquí de fondo | (5 km) | |||
| Páxina web | manzaneda.com | |||
É unha das estacións de esquí máis occidentais de Europa. Está orientada ao goce dun esquí familiar e tranquilo. Neste centro de lecer, arrodeado dunha paisaxe de montes arborados, destaca a diversidade de actividades que se poden realizar, tanto no inverno coma no verán.
Inverno
Manzaneda, creada na segunda metade da década de 1960, é a primeira estación de esquí de Galicia. Dispón das seguintes instalacións e servizos:
- 16 pistas homologadas de esquí alpino de diversas dificultades e de esquí de fondo
- Snow Park (XabaPark) con diferentes módulos
- 4 telesquís e dúas telecadeiras de catro e seis prazas, que permiten desprazar 7.600 esquiadores/hora
- Piscina climatizada con sauna e hidromasaxe
- Escola de esquí
- Alugueiro de material de esquí e snowboard
Verán
Manzaneda é un resort con instalacións aptas para a práctica de diferentes disciplinas deportivas estivais en altura. Dispón das seguintes instalacións e servizos:
- Pavillón polideportivo de máis de 1.000 metros cadrados
- Zona húmida con piscina cuberta de 25 metros e seis estaxes, sauna finlandesa e hidromasaxe
- Rocódromo exterior con cinco vías e unha travesía
- Picadeiro para a aprendizaxe e paseos a cabalo
- Circuíto de karts
- Campo de golf rústico de 6 buratos
- Campo de fútbol con medidas regulamentarias e campo de fútbol 7, ambos de herba
- Tiro con arco
- Canchas de tenis
- Pistas de footing e sendeirismo sinalizadas, que discorren polo medio do bosque na contorna da estación
- Parque multiaventura
- Alugueiro de quads e de BTTs
Para gozar destas instalacións Manzaneda ofrece:
- Máis de 400 prazas de aloxamento no seu apartahotel e o seu albergue turístico (Bungalows)
- O restaurante á carta "Os Arandos" e o restaurante autoservizo "Manzaneda", que ofrecen gastronomía local con produtos da zona
- Cafeterías, disco-pub, tendas, enfermaría e centro de primeiros auxilios
Manzaneda conta cun dos mellores Bike Park de España. Consta de seis pistas balizadas que discorren polo bosque, con obstáculos naturais e artificiais: bumps, pasarelas de madeira, saltos, lousas e trialeiras deseñados para todos os niveis, asistidas pola telecadeira de seis prazas e con eventos especiais durante os veráns como "A Avalancha", un descenso de máis de 1.100 metros de desnivel en 16 km de percorrido.
Ligazóns externas
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
