Elvira de León, raíña de Sicilia

Elvira Alfónsez, infanta de León, nada en setembro de 1103 en Toledo e finada o 6 de febreiro de 1135,^[1] foi a primeira raíña consorte de Sicilia, polo seu matrimonio con Roxerio II.

Elvira de León, raíña de Sicilia

Nome orixinal	(es) Elvira Alfónsez
Biografía
Nacemento	(es) Elvira Alfónsez de León 1100 ↔ 1104 Toledo, España
Morte	6 de febreiro de 1135 (31 anos) Palermo, Italia
Causa da morte	doenza infecciosa
Lugar de sepultura	Catedral de Palermo
Actividade
Ocupación	aristócrata
Outro
Título	Consorte de Sicilia (1130–1135) Condesa consorte de Sicilia (1117–1130) Duquesa
Familia	Dinastía Ximena
Cónxuxe	Roxerio II de Sicilia (1117 (Gregoriano)–)
Fillos	Roger III, Duke of Apulia, Tancred, Prince of Bari, Guillerme I de Sicilia, Alfonso of Hauteville, Adelicia di Sicilia
Pais	Afonso VI de León   e Isabel de León
Irmáns	Sancho Afónsez Orraca de León Tareixa, condesa de Portugal Elvira de Castela
Descrito pola fonte	Dictionary of Women Worldwide

Traxectoria

Primeiros anos

Elvira era filla de Afonso VI de León e de Isabel, a súa cuarta esposa, que algúns autores consideran a mesma persoa que Zaida, mentres que outros discrepan.^[2]

Elvira foi criada en Toledo, polo que debía estar acostumada á convivencia entre cristiáns e musulmáns, como a que existía tamén en Sicilia.^[2]

Matrimonio e descendencia

Elvira casou co daquela conde de Sicilia Roxerio II de Sicilia en 1117, e converteuse en raíña en 1130 cando o seu esposo se fixo coroar rei.^[2]

Froito do matrimonio tiveron cinco fillos e dúas fillas:^[2]

• Roxerio (1118-1148), duque de Puglia e posibelmente conde de Lecce (desde 1135).
• Tancredo (1119-1138), príncipe de Bari (desde 1135).
• Afonso (1120/1121-1144), príncipe de Capua e duque de Nápoles (desde 1135).
• Adelisa (c. 1126-despois de 1184), condesa de Florencia, casada en primeiras nupcias con Xoscelino, conde de Loreto, e en segundas con Roberto, conde de Loritello e conde de Conversano. Sen descendencia ou con descendencia descoñecida.
• Unha nena (morta na infancia en 1135).
• Guillerme (1131-1166), duque de Puglia (desde 1148), rei de Sicilia como Guillerme III (desde 1150).
• Henrique (1135-1145).

Morte e posterioridade

En 1135 tanto Roxerio como Elvira enfermaron. A enfermidade era grave e contaxiosa. Roger sobreviviu, pero Elvira non tivo a mesma sorte, e morreu o 6 de febreiro do mesmo ano.^[1][3]

Elvira recibiu sepultura na capela real de Santa Magdalena, en Palermo.

Roxerio permanece viúvo durante catorce anos, e só volveu casar cando catro dos seus cinco fillos con Elvira morreran.^[3]

En 1149 contraeu matrimonio con Sibila de Borgoña, e en 1151 volveu casar con Beatriz de Rethel.^[1]

Predecesor: Novo título

Raíña consorte de Sicilia 1130-1135

Sucesor: Sibila de Borgoña

Notas

1. Salazar 1993, p. 324.
2. Houben 2002, pp. 35-36.
3. Houben 2002, pp. 95-96.

Véxase tamén

Commons ten máis contidos multimedia sobre:  Elvira de León, raíña de Sicilia

Bibliografía

• Alio, Jacqueline (2018): Queens of Sicily 1061-1266. Nova York: Trinacria. ISBN 978-1-9436-3914-4.
• Birk, Joshua C. (2017): Norman Kings of Sicily and the Rise of the Anti-Islamic Critique: Baptized Sultans. Springer. ISBN 3-3194-7042-6.
• Houben, Hubert (2002): Roger II of Sicily: A Ruler Between East and West. Cambridge University Press ISBN 978-0-5216-5573-6.
• Salazar y Acha, Jaime de (1993): "Contribución al reinado de Alfonso VI de Castilla: algunas aclaraciones sobre su política matrimonial". Anales de la Real Academia Matritense de Heráldica y Genealogía, Volume II. Madrid: Real Academia Matritense de Heráldica y Genealogía, páxinas 301-336.

Outros artigos

• Roxerio II de Sicilia
• Guillerme I de Sicilia