Eleccións ao Parlamento de Cataluña de 1980

As eleccións ao Parlamento de Cataluña de 1980 celebráronse o 20 de marzo de 1980, trala chegada da democracia en España, e o restabelecemento da Generalitat de Cataluña (por decreto lei en 1977 e xa por lei orgánica en 1979). Foron convocadas a votar 4.436.459 persoas maiores de 18 anos e con dereito a voto en Cataluña. As eleccións serviron para escoller os 135 parlamentarios da primeira lexislatura democrática. Acudiron a votar 2.725.558 persoas, o que supuxo unha participación do 61,44 por cento.

Eleccións ao Parlamento de Cataluña de 1980
← 1932  1984  →
Data	20 de marzo de 1980
Tipo	eleccións ao Parlamento de Cataluña
Cargo elixido	135 deputado do Parlamento de Cataluña ≈ I Lexislatura do Parlamento de Cataluña. Duración do mandato: 4
Participación política
4.432.776 2.718.888    61.34٪ 2.705.413      17.960    13.475
Resultado da votación
CiU  — Jordi Pujol 752.943   27.83٪ Deputado 43 PSC  — Joan Reventós 606.717   22.43٪ Deputado PSUC  — Josep Benet 507.753   18.77٪ Deputado CC-UCD  — Antón Cañellas 286.922   10.61٪ Deputado ERC  — Heribert Barrera 240.871   8.9٪ Deputado PA  — Francisco Hidalgo 71.841   2.66٪ Deputado SC 64.004   2.37٪ Deputado
Causa inmediata de
8 de maio de 1980: Govern de Catalunya 1980-1984 (en)

A coalición de partidos Convergència i Unió foi a máis votada e, con 752.943 votos (un 27,68 por cento), obtivo 43 escanos,^[1] dez máis que a segunda forza política, o Partido dos Socialistas de Cataluña.

Trala formación do Parlamento de Cataluña, o candidato de Convergència i Unió, Jordi Pujol, foi investido primeiro presidente democrático de Cataluña, grazas aos votos da súa propia coalición, dos 14 parlamentarios de Esquerra Republicana de Catalunya e dos 18 de Centristes de Catalunya-UCD. A partir dese intre substituíu a Josep Tarradellas (ERC) á fronte do goberno catalán, que viña ocupando por decreto lei do último Goberno central da ditadura dende o 18 de outubro de 1977.

En 1981, 4 deputados do PSUC do sector prosoviético, liderados por Pere Ardiaca, abandonan o grupo parlamentario e pasan a formar parte dos non adscritos.

Notas

1. Antich, José (1994). El virrei : és Jordi Pujol un fidel aliat de la Corona o un cavall de Troia dins de la Zarzuela? (1. ed ed.). Barcelona: Planeta. ISBN 84-08-01118-9.

Véxase tamén

A Galipedia ten un portal sobre: Cataluña

Ligazóns externas

• Resultados globais (en catalán)
• Resultados por circunscricións (en catalán)
• Todos os datos das eleccións de 1980 (en catalán)