O príncipe Eduardo, duque de Edimburgo (Edward Anthony Richard Louis; Londres, 10 de marzo de 1964), é o cuarto e derradeiro fillo da raíña Isabel II e do príncipe Filipe de Edimburgo. É décimo na liña de sucesión ao trono británico.
Primeiros anos
O príncipe Eduardo naceu no Palacio de Buckingham e dende o seu nacemento, como fillo da raíña, é tratado como Alteza Real. Foi bautizado no Castelo de Windsor o 2 de maio de 1964.
O príncipe acudiu á Escola Gibbs en Londres e á Heatherdown Preparatory School en Berkshire. Coma o seu pai e irmáns máis vellos foi á Escola Gordonstoun en Escocia. Posteriormente, foi un ano a Nova Zelandia.
Tras regresar da súa viaxe, estudou e graduouse na Universidade de Cambridge.
Traballo
Despois da universidade alistouse na Mariña, aínda que abandonou, converténdose en albo para as críticas.
Traballou no teatro e mesmo produciu un show, aínda que non tivo éxito.
En 1993, Eduardo comezou unha compañía propia chamada Ardent Television coa que produciu documentais e dramas das familias reais europeas. Dimitiu como xefe para centrarse nas súas obrigas reais.
Eduardo e a súa dona están suxeitos a diversas obrigas reais. Eduardo é presidente da Federación dos Xogos da Mancomunidade. Tamén está involucrado co premio do duque de Edimburgo.
Matrimonio e descendencia
O 19 de xuño de 1999 casou con Sofía Rhys-Jones na Capela de San Xurxo. O príncipe recibiu o título de conde de Wessex e vizconde Severn. Eduardo recibirá tamén o ducado de Edimburgo cando este estea dispoñíbel.
O conde e a condesa de Wessex teñen dous fillos:
- Lady Luísa Mountbatten-Windsor (nada o 8 de novembro de 2003)
- Xaime Mountbatten-Windsor (nado o 17 de decembro de 2007).
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.