![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b2/%2522Wincanton%2522_sign_-_geograph.org.uk_-_451858.jpg/640px-%2522Wincanton%2522_sign_-_geograph.org.uk_-_451858.jpg&w=640&q=50)
Discworld
From Wikipedia, the free encyclopedia
O Discworld (en galego, Mundodisco) é unha creación do escritor Terry Pratchett. Trátase dun mundo consistente nun disco plano (rodeado por unha fervenza que flúe sen parar) que atravesa o espazo ao lombo de catro elefantes (Gran T'Phon, Tubul, Berilia e Jerakeen) que, á súa vez, viaxan sobre a coiraza dunha tartaruga mariña (Gran A´Tuin), a cal nada lenta e maxestosamente polo espazo. Un pequeno sol da voltas ao redor de Gran A'Tuin proporcionándolle ao Disco luz e calor. Está recollido na mitoloxía india un esquema do universo semellante[Cómpre referencia].
![Thumb image](http://upload.wikimedia.org/wikipedia/commons/thumb/b/b2/%22Wincanton%22_sign_-_geograph.org.uk_-_451858.jpg/320px-%22Wincanton%22_sign_-_geograph.org.uk_-_451858.jpg)
O sexo da tartaruga é un misterio para os habitantes do disco, e o motivo de non poucos debates e discusións entre os astrozoólogos acerca de que posición ocupará cando, na súa viaxe estelar, se atope con outra tartaruga de distinto sexo (sempre é moi importante saber se será a tartaruga de arriba ou a de abaixo durante o apareamento).
Dende que se publicou a primeira novela, The Colour of Magic, en galego A cor da maxia, en 1983, a serie expandiuse para xerar libros e mapas relacionados co Discworld, adaptacións teatrais radiofónicas, series de debuxos animados, videoxogos, relatos curtos, música e adaptacións televisivas con personaxes reais.