![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/00/Smilodon_fatalis_Sergiodlarosa.jpg/640px-Smilodon_fatalis_Sergiodlarosa.jpg&w=640&q=50)
Dentes de sabre
From Wikipedia, the free encyclopedia
O termo dentes de sabre é un termo xenérico que se usa para describir a numerosas especies de mamíferos dotados de enormes cairos que viviron durante diferentes épocas do Cenozoico.
![Thumb image](http://upload.wikimedia.org/wikipedia/commons/thumb/0/00/Smilodon_fatalis_Sergiodlarosa.jpg/320px-Smilodon_fatalis_Sergiodlarosa.jpg)
![Thumb image](http://upload.wikimedia.org/wikipedia/commons/thumb/8/8f/Status_iucn3.1_EX_es.svg/240px-Status_iucn3.1_EX_es.svg.png)
Estas especies adquiriron os seus característicos dentes de sabre de forma totalmente independente. A morfoloxía dos dentes é un excelente exemplo de evolución converxente, xa que ocorreu repetida e independentemente en polo menos catro grupos diferentes de mamíferos: os macairodontes (Machairodontinae), unha subfamilia dos félidos que inclúe ao famoso Smilodon; os nimrávidos (Nimravidae), unha familia emparentada cos felinos, pero diferente; e finalmente, un par de casos illados dentro dos creodontos (que non son considerados carnívoros auténticos) e os tilacosmílidos, unha familia extinta de metaterios suramericanos.
O atributo máis espectacular e evidente de todos os mamíferos con dentes de sabre son os inmensos cairos superiores. Aínda que o consenso xeral de acordo á súa dentadura é que se usaban para cazar indicando con iso unha alimentación carnívora, a forma exacta na que se usaban foi motivo de debate desde a década de 1880, cando o Smilodon foi descrito por primeira vez.