![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0f/Fire_Coral.jpg/640px-Fire_Coral.jpg&w=640&q=50)
Millepora
xénero de hodrozoos / From Wikipedia, the free encyclopedia
Millepora é un xénero de cnidarios hidrozoos da subclase dos hidroidolinos, orde dos antoatecados, suborde dos capitados, o único representante da familia dos milepóridos, coñecidos vulgarmente na bibliografía internacional como corais de fogo.
Millepora | |||||||||||||||||
---|---|---|---|---|---|---|---|---|---|---|---|---|---|---|---|---|---|
![]() Millepora dichotoma | |||||||||||||||||
Clasificación científica | |||||||||||||||||
| |||||||||||||||||
![]() Área de distribución das especies de Millepora. | |||||||||||||||||
Especies | |||||||||||||||||
| |||||||||||||||||
Sinonimia | |||||||||||||||||
|
![](http://upload.wikimedia.org/wikipedia/commons/thumb/c/c2/Millepora_incrustante.jpg/640px-Millepora_incrustante.jpg)
![](http://upload.wikimedia.org/wikipedia/commons/thumb/c/ca/Millepora_sp._%28Encrusting_Fire_Coral%29.jpg/640px-Millepora_sp._%28Encrusting_Fire_Coral%29.jpg)
![](http://upload.wikimedia.org/wikipedia/commons/thumb/e/e9/Millepora_alcicornis%2C_dactylozoides_2.jpg/320px-Millepora_alcicornis%2C_dactylozoides_2.jpg)
![](http://upload.wikimedia.org/wikipedia/commons/thumb/1/12/Millepora_alcicornis_coloniza_gorgonia.jpg/260px-Millepora_alcicornis_coloniza_gorgonia.jpg)
![](http://upload.wikimedia.org/wikipedia/commons/thumb/9/96/Millepora_tenera.jpg/640px-Millepora_tenera.jpg)
![](http://upload.wikimedia.org/wikipedia/commons/thumb/1/16/Fire_coral.jpg/640px-Fire_coral.jpg)
Os membros desta familia encádranse no grupo dos denominados falsos corais duros, ou hidrocorais, xa que, como hidrozoos, presentan as fases de pólipo e medusa, característica que non posúen o resto dos corais, os verdadeiros corais, pertencentes á clase dos antozoos, que só presentan a fase pólipo.
A súa consideración como corais débese a que o seu esqueleto está composto de carbonato cálcico, polo que, tras a morte do animal, contribúe á xeración de arrecifes de coral, debido a que a acción do CO2 converte moi lentamente o esqueleto en bicarbonato cálcico, substancia esta asimilábel directamente polas colonias coralinas.
Describíronse unhas 50 especies,[1] aínda que moitas delas reclasificásronse nos últimos tempos.[2] Estes corais formadores de arrecifes (corais hermatípicos) presentan unha ampla variedade de formas de crecemento. Estas formas varían desde colonias compostas por ramas con forma de árbore, colonias sólidas que adoitan teren forma de cúpula, ou colonias que se adhiren estreiamente ao substrato.[3] Poden ser verdes, de cor da crema ou amarelos, e as especies con ramas teñen núcleos ocos, que conteñen oxíxeno, e que poden romper facilmente.[3][4] Outras especies forman colonias grosas e resistentes capaces de resistiren a acción das ondas máis fortes.[1]