![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/de/S%25C3%25A3o_Tom%25C3%25A9_-_Pico_C%25C3%25A3o_Grande.jpg/640px-S%25C3%25A3o_Tom%25C3%25A9_-_Pico_C%25C3%25A3o_Grande.jpg&w=640&q=50)
Colo volcánico
From Wikipedia, the free encyclopedia
Un colo volcánico, pitón volcánico ou neck é unha forma do relevo de forma máis ou menos cilíndrica de orixe volcánica que se crea cando a lava endurece dentro dun conduto de alimentación dun volcán por onde ascende a lava, e despois o volcán é erosionado.[2][3] A súa estrutura é resistente á erosión, polo que unha vez que o cono volcánico se erosiona, este colo permanece como unha agulla ou columna relicta do cono desaparecido. Frecuentemente é o único resto que queda dunha antiga cheminea volcánica.
![Thumb image](http://upload.wikimedia.org/wikipedia/commons/thumb/d/de/S%C3%A3o_Tom%C3%A9_-_Pico_C%C3%A3o_Grande.jpg/640px-S%C3%A3o_Tom%C3%A9_-_Pico_C%C3%A3o_Grande.jpg)
![Thumb image](http://upload.wikimedia.org/wikipedia/commons/thumb/0/0a/A_Yool_DevilsTower_04Sep03_exif.jpg/640px-A_Yool_DevilsTower_04Sep03_exif.jpg)
Non se deben confundir os colos volcánicos cos tapóns volcánicos que aparecen nalgúns volcáns activos e non erosionados, como é frecuente nos de tipo peleano, que teñen un tapón que tapa o cráter, que pode ser agudo (tipo pitón) ou abovedado (domo volcánico). Cando estes volcáns fan erupción a presión interior pode facer rebentar este tapón orixinando unha erupción na que se forman grandes nubes de piroclastos.