From Wikipedia, the free encyclopedia
O Collège Stanislas (frecuentemente chaamado "Stan" polos seus alumnos) é un centro de ensino católico privado con contrato de asociación co Estado.
Foi fundado en 1804 polo padre Claude Liautard (1774-1844) no distrito de Notre-Dame-des-Champs en París.
Encóntrase desde 1847 no n° 22 da rue Notre-Dame-des-Champs, no 6º arrondissement de París. As súas entradas encóntranse nos números 6 e 28 da rue du Montparnasse. A do nº 155bis da rue de Rennes xa non se usa.
Os edificios que o compoñen están incluídos no bloque formado polas rúas mencionadas, coa excepción do edificio na esquina das rúas de Montparnasse e Notre-Dame-des-Champs, construído en 1988 polo Instituto Superior de Electrónica de París.[1] Polo tanto, a columnata de Lois XVI no Hôtel de Silène (1777) encóntrase xunto a outros edificios da década de 1960 de Jacques Barge ou máis recentes (2011). Dúas das súas portas foron catalogadas como monumentos históricos por orde do 22 de febreiro de 1926, e logo outros elementos do edificio fron ordenados á súa vez por orde do 16 de marzo de 1966.[2]
O Stanislas é propiedade dunha sociedade anónima fundada en 1903 por antigos alumnos. Desde 1804 esta institución esrivo a punto de desaparecer varias veces. A súa permanencia como centro de educación católica débese a varios dos seus directores e exalumnos. No curso académico 2012-2013, o establecemento tiña 3 400 estudantes que ían desde o xardín de infancia até clases preparatorias.[3]
O liceo é recoñecido polos seus excelentes resultados no bacharelato, a competencia xeral e nos exmes de ingreso nas grandes Escolas Técnicas e Científicas.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.