Clave (arquitectura)

A clave (ou chave) é a doela central dun arco, ou unha bóveda. Adoita ser de maiores dimensións que as demais doelas, e a miúdo está decorada, pero non por razóns funcionais senón estéticas.

Para outras páxinas con títulos homónimos véxase: Clave.

Partes do arco "clásico", de medio punto, en pedra.

Características

A clave, do mesmo xeito que as doelas, susténtase debido á forma destas pezas, pois as súas caras laterais, cortadas en ángulo, transmiten lateralmente parte das tensións, equilibrándoo, e evitando que se esborrallen baixo unha carga vertical. A tensión horizontal da doela inferior transmítese ao muro, ou a outro arco, e a vertical transmítese ao muro ou a un alicerce.

A última peza que se coloca na construción dun arco é a clave. Ata que esta non se atopa colocada no seu lugar é necesario apear (soster) as doelas do arco, posto que se atopa inestable. Para iso utilízase unha cimbra, unha estrutura de madeira, ou metal, con forma de arco, que sustenta as doelas e só se retira unha vez completado o arco, ao colocarse a clave.

Galería

• 
  Clave na cripta da Catedral de Santiago de Compostela.
• 
  Clave estelada da bóveda lateral da Igrexa de San Pedro de Sandoval de la Reina (Burgos).
• 
  Clave cunha representación de Xesús de Nazaret no castelo de Malbork ou Mariemburgo en Polonia.

Véxase tamén

Wikimedia Commons ten máis contidos multimedia na categoría:  Clave