Christijan Albers

Christijan Albers, nado en Eindhoven o 16 de abril de 1979, é un expiloto neerlandés de Fórmula 1 e de DTM. Conduciu para Minardi, Midland e Spyker en F1, e para AMG-Mecerdes en DTM, onde acadou un segundo e un terceiro na clasificación final en 2003 e 2004.

Christijan Albers

Biografía
Nacemento	16 de abril de 1979 (45 anos) Eindhoven, Países Baixos
Actividade
Ocupación	piloto de Fórmula Un, piloto de automobilismo
Deporte	automobilismo
Participou en
	24 Horas de Le Mans
Páxina web	christijan.com

Traxectoria

Iniciouse nos karts obtendo o campionato nacional danés da disciplina en 1997. Nese mesmo ano tamén foi campión na Fórmula Ford 1800 nos Países Baixos e Bélxica, e participou na serie Renault Mégane.

En 1998 pasou ao Campionato de Alemaña de Fórmula 3, categoría na que obtivo o título no 1999 tras gañar en 6 carreiras. No seguinte ano participou no campionato internacional de Fórmula 3000 e tamén na Fórmula europea.

Christijan Albers, Spyker M16, (2006).

No 2001 Albers participou na DTM, categoría na que obtivo o subcampionato tras acadar 4 vitorias. Ao mesmo tempo desenvolveu actividades coma piloto de probas da escudaría Minardi de Fórmula 1, e pilotou o bipraza do equipo empregado para fins promocionais. En novembro de 2004 obtivo o mellor rexistro nas probas de Misano di Gera d'Adda.

Albers foi confirmado para a tempada 2005 de Fórmula 1 como piloto titular de Minardi. Non acadou resultados de relevancia nas primeiras carreiras do ano. Ao finalizar a tempada, na que conseguiu catro puntos no Gran Premio dos Estados Unidos, Albers foi confirmado coma piloto principal de Midland F1 Racing.

Na tempada 2007 de Fórmula 1 foi confirmado piloto oficial do equipo Spyker F1 Team, xunto ao seu compañeiro de equipo Adrian Sutil, pero tralo non pagamento do seu patrocinador deixou de correr con esta escudaría, facendo o seu último gran premio en Silverstone.

Resultados na Fórmula 1

Ano	Escudería	1	2	3	4	5	6	7	8	9	10	11	12	13	14	15	16	17	18	19	Posto	Puntos
2005	Minardi	AUS 9	MYS 13	BAH 13	SMR 9	ESP 9	MON 14	EUR 17	CAN 11	USA 5	FRA 11	GBR 18	GER 13	HUN 10	TUR 9	ITA 19	BEL 12	BRA 14	JPN 17	CHN 17	19º	4
2006	Midland	BAH 10	MYS 12	AUS 9	SMR Ret	EUR 13	ESP Ret	MON 12	GBR 15	CAN Ret	USA Ret	FRA 15	GER DSQ	HUN 10	TUR Ret	ITA 17	CHN 15	JPN Ret	BRA 14		22º	0
2007	Spyker	AUS Ret	MYS Ret	BAH 14	ESP 14	MON 19	CAN Ret	USA 15	FRA Ret	GBR 15	EUR DNP	HUN DNP	TUR DNP	ITA DNP	BEL DNP	JPN DNP	CHN DNP	BRA DNP			25º	0

Véxase tamén

Commons ten máis contidos multimedia sobre:  Christijan Albers

Ligazóns externas

• Web Oficial Arquivado 22 de xullo de 2010 en Wayback Machine.