From Wikipedia, the free encyclopedia
Centre é un barrio de L'Hospitalet de Llobregat, na provincia de Barcelona. Pertence ao Distrito I da cidade xunto cos barrios de Sant Josep e Sanfeliu. É un dos núcleos históricos da cidade, xunto co de Santa Eulàlia, e nel atopamos o Concello, o centro de actividades La Farga e parte dos equipamentos culturais, como o Museo de Historia, Can Sumarro e o Centro Cultural Barradas.
Localización | ||||
---|---|---|---|---|
| ||||
Estado | España | |||
Comunidade autónoma | Cataluña | |||
Provincia | provincia de Barcelona | |||
Ámbito funcional territorial | Ámbito metropolitano de Barcelona | |||
Comarca | Barcelonès | |||
Concello | L'Hospitalet de Llobregat ![]() | |||
Limita cos barrios de Sanfeliu e Can Serra ao norte, con Bellvitge polo sur, con Sant Josep polo leste, e co municipio de Cornellà de Llobregat polo oeste. Ten unha superficie de 0,85 km² e tiña en 2006 unha poboación de 24.752 habitantes e unha densidade de 32.568 hab/km².
A Rambla de Just Oliveras é un dos espazos públicos máis destacados do barrio e de toda a cidade de L'Hospitalet. É un punto de encontro e unha das principais zonas de lecer. O paseo cruza o barrio de norte a sur e nel podemos atopar terrazas, o Auditorio Barradas e L'Acollidora.
Outros espazos do barrio son o parque de Can Boixeres, coroado por un palacio do século XVIII, a praza de Lluís Companys, inaugurada en 1998 e no límite da Rambla de Just Oliveras polo sur, ou tamén a praza de l'Ajuntament, un dos principais escenarios dos grandes eventos cidadáns e da Festa Maior, que se celebra cara a noite de San Xoán. No contorno desta praza atopamos o Mercado do Centre, a Igrexa de Santa Eulàlia, o colexio Tecla Sala e a Biblioteca Can Sumarro, ademais do Museo de Historia, a rúa Maior, e outros edificios e vías destacables na historia do barrio e da cidade.
É un barrio ben comunicado por autobús, tanto urbanos como interurbanos, metro e ferrocarril. Atopamos nel a estación de L'Hospitalet de Llobregat de Rodalies Renfe, a estación Rambla de Just Oliveras da liña 1 do metro de Barcelona, e a estación de Avinguda Carrilet da liña 1 de metro e liña 8 de FGC.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.