guiso de feixóns e carne From Wikipedia, the free encyclopedia
O cassoulet (do occitano caçolet[1]) é un prato gastronómico, fundamentalmente un guiso feito con feixóns brancos e distintas partes de carne animal. É típico da cociña do sur de Francia, concretamente das rexións de Languedoc e Mediodía-Pireneos.
Aínda que, como en todos os pratos antigos e populares, hai diferenzas entre as receitas dunha familia e outra, pódese concretar que o ingrediente básico do cassoulet son os feixóns o fabas brancas, que se cocen con anacos de carne e embutidos que poden variar segundo a receita, mais entre os que se adoita atopar a costela de porco, salchichas de Tolosa, touciño e roxóns e pato confeitado. Nalgunhas modalidades da receita incluso morcilla de sangue, dependendo da tempada do ano ou a variedade local.
As fabas póñense a remollo unhas horas antes e despois se cociñan a pouco lume con algunhas verduras (tomate, cebola, cenouras, allo e finas herbas), graxa de pato e unha pouca auga nunha cassole ou cazola de barro. Este recipiente, ou máis ben o seu diminutivo, que en galego sería "cazoliña", é o que dá nome ao prato.
Tres vilas achegadas, Castelnaudary, Carcasona e Tolosa, dispútanse a orixe, e especialmente a mellor calidade de cada variedade do prato, continuando unha disputa xa ancestral. Disque, porén, tamén en Castelnaudary, atópase o cassoulet "Deus Pais", en Carcasona atópase o cassoulet "Deus Fillo" e en Tolosa atópase o cassoulet "Deus Espírito Santo", refiríndose ao concepto cristián da Santa Trindade.
O mesmo que ocorre coa receita semellante e seica filla desta: a fabada, e tamén frecuente atopar a cassoulet xa pronta en latas en Francia.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.