Capcir

O Capcir é unha comarca situada no sur de Francia, no departamento de Pireneos Orientais, na rexión de Languedoc-Rosellón. Forma parte da Cataluña Norte. A súa capital é Formiguères.

Capcir

Localización
42°36′00″N 2°07′00″L
Estado	Francia
Divisións administrativas	Francia Metropolitana
Rexións	Occitania
Departamento	Pireneos Orientais
Entidade territorial xeográfica humana	Cataluña do Norte
Capital	Formiguères
Contén a división administrativa	Fontrabiouse Formiguères La Llagonne Les Angles Matemale Puyvalador Réal
Poboación
Poboación	1.540 (2016) (8,7 hab./km²)
Xeografía
Superficie	177 km²
Bañado por	Rio Aude (pt)
Comparte fronteira con	Conflent Donezan (en) Alta Cerdanya Q55599667
Creación	791

Vista de Les Angles.

Ata a firma do Tratado dos Pireneos formou parte de Cataluña, e máis concretamente do condado de Cerdaña. Limita ao norte cos departamentos de Aude e Ariège. Está situada ao nordés da Alta Cerdaña e ao noroeste do Conflent. O río Aude régaa de sur a norte. Mantén certo pouso lingüístico e cultural cataláns a pesar da prohibición da devandita lingua en documentos oficiais so pena de invalidar o contido imposta por Lois XIV de Francia.

O Capcir forma unha meseta situada a 1500 metros de media, e é a ligazón entre o alto val do Aude e a Cerdaña. Esta comarca, rural ata hai pouco, creceu considerablemente durante o últimos corenta anos, grazas ao seu atractivo turístico. O Capcir ten dous sobrenomes: o Pequeno Canadá ou a Pequena Siberia. Isto dá unha idea do clima que ás veces pode haber no inverno. O nome de Siberia parece particularmente apropiado porque o Capcir representa un dos últimos refuxios en Europa occidental dunha planta ártica, a Ligularia sibirica.

Está formada polas comunas de Les Angles, Fontrabiouse, Formiguères, La Llagonne, Matemale, Puyvalador e Réal.

Véxase tamén

Outros artigos

• Cataluña do Norte