![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/31/Gastrulation.png/640px-Gastrulation.png&w=640&q=50)
Capa xerminativa
From Wikipedia, the free encyclopedia
Unha capa xerminativa, capa xerminal, capa embrional, folla embrionaria ou folla blastodérmica, é un conxunto de células formadas durante a embrioxénese dos animais a partir das cales se orixinarán os tecidos e órganos do adulto.
![Thumb image](http://upload.wikimedia.org/wikipedia/commons/thumb/3/31/Gastrulation.png/640px-Gastrulation.png)
Todos os animais máis complexos que as esponxas producen dúas ou tres capas de tecidos primarios.
Os animais con simetría radiada, como os cnidarios, teñen dúas, denominadas ectoderma e endoderma.
Os animais con simetría bilateral producen unha terceira capa situada entre as dúas anteriores, o mesoderma.
As capas xerminativas orixinarán os tecidos e órganos durante o proceso de organoxénese.