Cantón de Schaffhausen

O cantón de Schaffhausen, oficialmente en alemán Kanton Schaffhausen (en alemán suízo: Kanton Schafuuse, en francés: Canton de Schaffhouse, en italiano: Canton Sciaffusa, en romanche: Chantun Schaffusa), é o cantón máis setentrional de Suíza e atópase case na súa totalidade ao norte do río Rin. Malia que o seu único idioma oficial sexa o alemán, a lingua coloquial é o dialecto alemánico do alemán suízo oriental, o chamado Schaffhauserdeutsch. O cantón recibe o nome da súa capital e vila máis poboada, Schaffhausen.

Cantón de Schaffhausen

Brasón
Localización
47°42′N 8°36′L
Estado federado	Suíza
Capital	Schaffhausen
Contén a división administrativa	Bargen (pt) Beggingen (pt) Beringen (pt) ../... 26+
Poboación
Poboación	81.991 (2018) (274,75 hab./km²)
Lingua oficial	lingua alemá
Xeografía
Parte de	Eastern Switzerland (en) Northeastern Switzerland (en)
Superficie	298,42 km²
Altitude	392 m
Punto máis alto	Hagen (en) (912 m)
Punto máis baixo	Río Rin (344 m)
Comparte fronteira con	Baden-Württemberg Turgovia Cantón de Zürich Büsingen am Hochrhein
Creación	1501 (Gregoriano)
Organización política
Órgano lexislativo	Cantonal Council of Schaffhausen (en) , (Escano: 60)
Membro de	International Lake Constance conference (en)
Identificador descritivo
Fuso horario	UTC+01:00, horario estándar UTC+02:00, horario de verán
ISO 3166-2	CH-SH
Código NUTS	CH052
Páxina web	sh.ch

Xeografía

Situado ao norte da Confederación Suíza, bordeando Alemaña e apenas enteiramente á beira dereita do Rin, o cantón componse de tres partes: a central, onde se atopa a capital cantonal, Schaffhausen, e que posúe no interior das súas fronteiras o enclave alemán de Büsingen am Hochrhein, a oriental, que contén as comunas de Stein am Rhein e Ramsen e a occidental, formada polas comunas de Buchberg e Rüdlingen. Linda cos cantóns de Zürich e de Turgovia.

O cantón de Schaffhausen culmina no Hagen, unha montaña da cordilleira de Randen, a 912 metros de altitude.^[1] O punto máis baixo atópase ás beiras do Rin, en Buchberg, con 344 metros de altitude. Abrangue un territorio de 298,42 km², o que o converte no sétimo cantón máis pequeno de Suíza.

Notas

1. "Puntos culminantes dos cantóns suízos.". Office fédéral de la statistique. Consultado o 7 de decembro de 2021.