Campionato de Wimbledon

Campionato de Wimbledon
Tipo	evento deportivo recorrente
Deporte	tenis
Tipo de superficie	Quadra de grama (pt)
Organizador	All England Lawn Tennis and Croquet Club (pt) ; Lawn Tennis Association (pt) ; Federación Internacional de Tenis
Parte de	Grand Slam
Localización e Datas
Localización	All England Lawn Tennis and Croquet Club (pt) (Londres) 51°26′02″N 0°12′51″O
País	Reino Unido
Vixencia	1877 –
Período de ocorrencia	1 ano
Competición
Venus Rosewater Dish (en)
Outro
Páxina web oficial	wimbledon.com

O Campionato de Wimbledon é o máis antigo e prestixioso evento deportivo de tenis. Lévase a cabo en xuño e xullo e é o terceiro torneo de Grand Slam que se xoga no ano, precedido polo Aberto de Australia e o Aberto de Francia, e seguido polo Aberto dos Estados Unidos.

Datos rápidos Tipo, Deporte ...

Pechar

O torneo, (o único dos Grand Slam que se xoga en cancha de céspede) dura dúas semanas, aínda que pode estenderse en caso de choiva. Xóganse torneos simultáneos de singles masculinos, singles femininos, dobres masculinos, dobres femininos e dobres mixtos. Tamén se xogan torneos de mozos en dobres e singles para homes e mulleres. Sumado a isto, fanse torneos con invitacións especiais para xogadores retirados (dobres masculinos maiores de 35 anos e maiores de 45, e dobres femininos maiores de 35 anos).

A primeira vez que se xogou torneo foi organizado por "All England Lawn Tennis and Croquet Club" en 1877 nunha cancha cerca de Worple Road; os únicos partidos xogados foron singles masculinos. En 1884 agregáronse os singles femininos e dobres masculinos.

Os dobres femininos e os mixtos foron incorporados en 1913. O campionato trasladouse á actual localidade, a unha cancha próxima a Church Road, en 1922. Os británicos están moi orgullosos do torneo, aínda que é unha fonte de aflición e humor nacional (ningún británico gañou o evento de singles desde 1936, con Fred Perry e tampouco o fixo ningunha muller británica desde Virginia Wade en 1977).

En outubro de 1940, o complexo foi bombardeado polas forzas alemás, que lanzaron cinco bombas das que unha impactou sobre o teito do Court Central mentres que outra destruíu a sala de equipamento.

A cancha principal é a chamada Centre Court, e as finais do torneo sempre son xogadas alí. Debido á imprevisibilidade do clima, propúxose construír un teito despregable sobre a cancha. Agárdase que estes finalizado para o ano 2009. A cancha número 1 foi obxecto dunha grande remodelación no ano 1977. Orixinalmente estaba adxacente á cancha principal, pero foi substituída por un novo estadio con gran capacidade de espectadores. Dicíase que a cancha número 1 tiña unha atmosfera única, e era a favorita de moitos xogadores, así que a súa substitución foi lamentada por moitos.

As cores verde e violeta son as tradicionais deste torneo. é o único onde se esixe que a vestimenta tanto para masculino como feminino sexa preto do 100% de cor branca. As tenistas son sempre nomeadas como "Miss" ou "Mrs" (señorita ou señora) durante o xogo (por exemplo, cando o árbitro di as puntuacións). Os homes só son nomeados polo seu apelido.

O torneo comeza cada ano seis semanas antes do primeiro luns de agosto, e termina ós quince días. Tradicionalmente, non se xoga no "Middle Sunday" (domingo do medio). Só tres veces na historia do campionato (a máis recente, en 2004), a choiva forzou a ter que xogar en "Middle Sunday".

Durante a primeira semana xóganse as roldas preliminares, mentres que durante a segunda semana dispútanse os oitavos de final, os cuartos, as semifinais e a final.

O gañador de singles masculino recibe un trofeo de prata. A gañadora de singles feminino recibe unha bandexa de prata, xeralmente chamada "Rosewater Dish" ou "Venus Rosewater Dish". Os trofeos son presentados noutros eventos. Os premios en cartos para 2004 foron de:

Individual Masculino: £602,500
Individual Femininos: £560,500
Dobres Masculinos: £215,000
Dobres Femininos: £200,000
Dobres Mixtos: £90,000

As cifras mostradas para os dobres son divididas en partes iguais para cada un dos participantes.

Wimbledon e o Aberto de Francia son os que ofrecen premios monetarios máis altos para os homes que para as mulleres, mentres que o Aberto dos Estados Unidos e o Aberto de Australia ofrecen cantidades iguais para ambos sexos.