![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f6/Phase_change_-_gl.svg/langgl-640px-Phase_change_-_gl.svg.png&w=640&q=50)
Estado de agregación da materia
diferentes fases polas que a materia pasa / From Wikipedia, the free encyclopedia
En física, un estado de agregación da materia é cada unha das diferentes formas en que a materia pode existir. Hai catro estados observables da materia na vida cotiá: sólido, líquido, gas e plasma. Sábese que existen moitos estados intermedios, como o cristal líquido, e algún deses estados estados só existen baixo condicións extremas, como o condensado de Bose-Einstein.
![Thumb image](http://upload.wikimedia.org/wikipedia/commons/thumb/f/f6/Phase_change_-_gl.svg/320px-Phase_change_-_gl.svg.png)
![Thumb image](http://upload.wikimedia.org/wikipedia/commons/thumb/d/de/Four_Fundamental_States_of_Matter.png/320px-Four_Fundamental_States_of_Matter.png)
Historicamente, a distinción está feita en base ás diferenzas cualitativas nas propiedades. A materia en estado sólido mantén un volume e unha forma fixa. No estado líquido manteñen un mesmo volume, mais a forma varía para adaptarse ao recipiente; as partículas mantéñense próximas, mais móvense libremente. A materia en estado gasoso ten volume e forma variable, adaptándose ao recipiente. A materia en estado de plasma ten volume e forma variable e contén átomos neutrais ademais dun número significativo de ións e electróns, ambos movéndose libremente.
O vocábulo fase emprégase ás veces como sinónimo de estado da materia, mais un sistema pode conter varias fases inmiscibles do mesmo estado da materia.