Célula folicular tiroide
From Wikipedia, the free encyclopedia
As células foliculares tiroides ou, simplemente, células foliculares (tamén chamadas células epiteliais tiroides ou células principais tiroides), son as células máis abundantes da glándula tiroide, responsables da produción e secreción das hormonas tiroides tiroxina (T4) e triiodotironina (T3).
- Non confundir coas células dos folículos ováricos (ver célula da granulosa)
O tecido da tiroide está constituído por unha serie de folículos máis ou menos esféricos cada un dos cales está formado por un epitelio de células foliculares tiroides, entanto que o interior do folículo é unha cavidade chea dun coloide proteico xelatinoso, onde se almacenan as hormonas producidas. Os folículos están rodeados por unha fina membrana basal. As células foliculares están acompañadas no órgano polas células parafoliculares ou células C produtoras de calcitonina.