![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/bb/Germinal_epithelium_testicle.svg/langgl-640px-Germinal_epithelium_testicle.svg.png&w=640&q=50)
Célula de Sertoli
tipo de células que dan soporte ás células dos túbulos seminíferos dos testículos / From Wikipedia, the free encyclopedia
As células de Sertoli son un tipo de células que dan soporte estrutural e metabólico ás células dos túbulos seminíferos dos testículos. Encóntranse no interior dos túbulos seminíferos, envolvendo as células xerminais e formando a barreira hematotesticular. As súas funcións coñecidas inclúen a fagocitose dos restos celulares producidos durante a diferenciación das células xerminais, sustento físico do proceso de diferenciación, formación da mencionada barreira hematotesticular e mantemento do microambiente tubular para a axeitada proliferación e diferenciación das espermatogonias primitivas e para a produción de espermatozoides.
![Thumb image](http://upload.wikimedia.org/wikipedia/commons/thumb/b/bb/Germinal_epithelium_testicle.svg/320px-Germinal_epithelium_testicle.svg.png)
1: lámina basal
2: espermatogonia
3: espermatocito primario
4: espermatocito secundario
5: espermátida
6: espermátida madura
7: célula de Sertoli
8: unión hermética (barreira hematotesticular)
![Thumb image](http://upload.wikimedia.org/wikipedia/commons/thumb/0/0f/Testicle-histology-boar-2.jpg/320px-Testicle-histology-boar-2.jpg)
1 lumen do túbulo seminífero contorto
2 espermátidas
3 espermatocitos
4 espermatogonias
5 célula de Sertoli
6 miofibroblastos
7 células de Leydig
8 capilares.
A célula é activada pola hormona estimulante dos folículos (FSH), xa que ten na súa membrana o receptor FSH.
As células de Sertoli levan o nome do seu descubridor, o fisiólogo italiano Enrico Sertoli,